يكسر بعضه البطيخ

تبينا انقلب اوراق الزمان وهامش التاريخ
يا عمي قصتي قصه بلاش ازهقك فيها

ذيابه ما تهمها ياصحيبي هبهبات الضيخ
ولا بعض الامور اللي تعكر جو راعيها

تعبت آداوي الجرح العميق ولاهبك يالصيخ
يموت الحب بغيابه وناره من يطيفيها

يااطهر من تراب الارض وعالم كوكب المريخ
يااجمل من سكن عيني بحاضرها وماضيها

حبيبي طالت الغيبه وانا فيني صمود الشيخ
على ربع(ن) جفوه وذي عيونه من يقهويها

شمالي ضايق(ن) صدري واغص بنهتة التوبيخ
رعش جسم الجزيره والسلاطين وكراسيها

ياعمي قبل قالوها يكسر بعضه البطيخ
وانا مالي بهالدعوه من اولها لتاليها

وانا ماني من اللي يعشقون امجاد هالتنفيخ
يرجعني كريم الاصل ونفسي ما اوطيها

الا ياحرق كبد اللي تموت بحرقة الزرنيخ
سقاالله ما عرف طعم المحبه ولا وقع بيها

بقا فيني من الاشيا يذكرني بهالتاريخ
ملامح وجهك الشاحب وضحكه كنت تخفيها