أنا قبل كم يوم مسافرة على طيران ###### وقدر الله أن أشاهد المضيفة وهي تذيع كلمة الترحيب باللغة العربية، وبالصدفة كنت أكلم مضيفة أجنبية عن مشكلة كانت تواجهني، فلما رأيت تلك المذيعة تتكلم العربي قلت: ( يا بختي هذي عربية وبتفهم مشكلتي بسرعة وبتساعدني)، والله وكيلكم طول الرحلة أكلمها بالعربي وترد علي بالإنجليزي، وأنا من القهر ما رضيت أكلمها ولا نص كلمة بالإنجليزي.
والله نعرف نتكلم اجليزي أحسن من طوايفهم كلهم بس يا ناس خل عندكم دم … هذه لغة القرآن يعني ما نتنازل عنها بأبخس الأثمان.
اندوووووووووووووووكم…
وايد منه هالشي اونهم عاد يرمسون بلغه التطور ((يامال العافيه والله))
اونه برستيج وادب وتطور وهو مناك ما يعرف×× يعرب××(( احمد اكل التفاحه))
……………………………….شووكرن …………………
و أنا بعد. تصادفني نفس هالمواقف. و خصوصا من الزلمات و المصاروه.
الحمد لله لغتي ممتازه بالإنجليزي، فيوم أشوف واحد يتفلسف علييه بالإنجليزي. أخلي كل كلامي وياه بالإنجليزي. لا، و أستعمل كلمات غريبه عشان ما يفهمها (لكن في سياق الموضوع طبعاً). والله ياما ناس من هالأشكال حاولوا يرجعون و يكلموني بالعربي لأنهم ضايعين. بس أصر أكلمهم بالإنجليزي. عشان يتأدبون.
انا مريت ابكذا موقف من هذا النوع
طبعا ارد عليه انت عربي والمفرووض تفتخر انك عربي وتفتخر باللغه العربيه وتفتخر انك تتحدث بلغة القرءان…
والله انه مايعرف شو يقووول….