قصيدة أعجبتني جداً في سمو الشيخ حمدان بن محمد آل مكتوم حفظه الله وحبيت أنقلها لكم وبدورنا نشكر كاتبها القدير .. أتمنى تعجبكم
( فـزّاع )
طاب وقتي وإهتويته وأنتقـــي شعري وأجيبه… والقلــــم للمــــــدح يطرب ومايخوّني صوابه
ألزَم بيوت القوافي إن بغـــت بالطّيــــب طيبه … وإن عصـتْ بعناد لمشـي بالعناد وعيـن بابه
مارتضي شعـرٍ يعاند وما تركنــــــي أستميبه … والله أنّـــي ما كتبته ولا أرتقي به في الكتابه
عنـدي بمعنى قصيدي عـزوةٍ ما هــي غريبه … مثل غيــــمٍ لا بغيتـــــه صـار يرويني سحابه
وإن مدحت رجال يسمو مايجينـي بالغصيبه … وهو صحيح إن المدايح في النشاما ماتّشابه
بس كيف إن ريت شيخٍ في قبالـه ألف هيبه … لا… وأبوه الشيخ ياللي نايف المجد إستمابه
ياكبر حظّـي وأنا أقصـد في سموّه وأنتخيبه … شيخنا حمدان ياللــــي بالفخر راسي إعتلابه
والنعم مليون مرّه وعز مــــن هـو يحتميبه … السند لي ما يــــرد اللي نصـــــاه ودَق بابه
جيت قصّادٍ وأنا اللـــي كــــل ماجيت ألتقيبه … قلت ( فزّاع ) وكأنــي مالكٍ دنيـــــا المهابه
ياذخـر من كان يشكي جـور ليّــام العصيبه … ياذرى من شدْ صوته فـي الشدايد وإنتخابه
والله أنّي مامدحته وجيت مـن باب الطليبه … ولا أجامله بقصيدي وهوه أسمى من صوابه
دايمٍ بالخير سابق وكلٍ محصّـــــــل نصيبه … وماطلبت إلا أشوفه يكون في خيـــر ورحابه
أدّعي له ودعوتي له بالوفاء منّي قريبه … دعوتــــي يالله عســــاهــا مستجابه مستجابه
ياإلاه إنّــي طلبتـــك تحتويــــه وتعتنيبه … ياإلاه إنّك تصونــــه مــن عنــا الوقــت ومصابه
من أشعار / جمعة بن نايم الكعبي
صح لسانه بن نايم
فزّاع : تعني كثير الفزعة والمساعدة
شهم كريم ذو نخوة
والنعم مليون مرّه وعز مــــن هـو يحتميبه … السند لي ما يــــرد اللي نصـــــاه ودَق بابه
تسلم ع القصيدة
صــــــــــح لسان قايلها
و تسلم يـــــــــد ناقلها
صح الله لسان الشاعر
ويستاهل طويل العمر ….
شـكــ وبارك الله فيك ـــرا لك … لك مني أجمل تحية .
صــح لســــانهـ الشـــاعر ..
شكـــرآ لكـ ياخوووووي عالنقــل ..