يا شباب لا تخلون الفلوس تخربكم

14 thoughts on “يا شباب لا تخلون الفلوس تخربكم”

1. والله يا إخواني تكفيني ردودكم إللي خلتني أتفائل بالخير (الله يعطيكم ألف ألف عافية)..
   أخوي roo7 dubai في سيارة دشت خاطري وكلمت راعيها إني شراي إذا الله راد، ولكن لو ما توفقت في السيارة بتواصل وياك إذا الله راد وأشكرك عزيزي على التعاون..
   والله يا خواني أبنصحكم نصيحة (نحن لازم نتمالك أعصابنا في لحظة الغضب، لأن أحياناًَ إذا تعصبنا على أشياء ما تستاهل ممكن نهايتنا يا إما السجن أو المستشفى أو…ألخ لا سمح الله) فأرجوكم يا إخواني حاولوا إنكم تتمالكوا أعصابكم…والله يوفقكم ويزرق جميع المسلمين الجنة..اَمين يا رب

2. والله العظيم و ربي يشهد لي لو كنت مكانك (لحظة رفض الفلسطيني استرجاع المبلغ مالي) لا أزخه من حلجه و أتناقع وياه بكوسات:^4: :^4: عسب هو نفسه يدق على الشرطة و يبلغ (و الشرطة بتحكم) أو يرد المبلغ من الخوف:^3: :^3: . (و الطريقه هاي نفعت و ياي مره في شركة باناسونيك جنب محل سنا في العين).

   لكني صراحة ما با وصل السالفه لها الدرجة لاني عند لحظة دفع 500 درهم بقوله اكتب لي في الفاتوره نفسه أنك مستعد ترد المبلغ بعدين اذا ما بغيت البضاعه و أي كلمة يقولها بخليه يكتبلي في الفاتورة نفسه.

   لكن الحينة ما بينفعك الشرطة:3rsa: :^15: و انا متأكد لسببين :
   أولا: ما عندك دليل أن الفسطيني قالك ها التصلايح و (و عادي الفسطيني يكذب و يقول أنه ما قالك شي) عقب تتوهق.

   ثانيا: حتى لو قالت الشرطة أنك انت الصح , فاعتقد أنك بتاخذ250بالكثير لان السالفه بتطول:mmom:
   و خساير بترول و أوراق و اثباتات و كل يوم مراجعات فاعتقد 250 مالتك بيسيرن عنك.

   نصيحة مني اخوي:064: :مهما كانت البضاعة لما تشتريه لازم تركز على كل حرف يقولون لك

   و تنتبه و خاصة البضايع الكبار شرات السيارات و غيرهن

   أخوك ضبياني

3. صح لسانك…
   ولكن في بعض الرياييل (إللي هم أساساًَ مب ريايل) ما يصدقون في كلامهم وبضاعتهم مخشوشة وغشاشين (حسبيا الله ونعم الوكيل فيهم)..مرة من كم إسبوع كنت أتصفح مجلة السارات Auto Trader وبعدين لقيت السيارة إللي كنت أدور عليها (جيب رانجلر) في معرض 111 للسيارات، رحت المعرض وتلاقيت مع موظف فلسطيني (حسبيا الله عليه ونعم الوكيل فيه) قلتله الموتر داش خاطري ولكن بنفحصه في الإيبكو، قالي إدفع 500 درهم وسار كتب الفاتورة وكله على السريع، وقالي إن غيرت رايك أو الموتر فيه شي بردلك 500 درهم وإتفقنا، ولما سرنا ثاني يوم أنا وهو وواحد من الربع التسجيل ودفعت 50 درهم قالولنا لازم إتنظفون الموتر من تحت لأن الشاصيه غير واضح، وسرنا محطة الإمارات إللي في القصيص وغسلت الموتر من تحت بخار ب 70 درهم وردينا التسجيل مرة ثانية، المهم قالولنا الشاصيه في ضربه، المهم ونحن رادين على المعرض الريال الفلسطيني تم يسب صاحب المعرض وتم يشتكيني أنا وربيعي من صاحب المعرض لأن في مشاكل بينه وبين صاحب المعرض، المهم وصلنا وكان صاحب المعرض موجود وقلتله إن الموتر في ضربه في الشاصي ولكن ماعندي مشكله باخذ الموتر ونزل لي في السعرشويه، قالي صاحب المعرض (الضربة عاديه جداًَ من البر وكل موتر يدخله البر ممكن يصيبه ضربة في الشاصيه) المهم، قلت للريال الفلسطيني إقنع صاحب المعرض ينزل لي في السعر شويه، قالي ما يهمك،المهم، صليت إستخاره وحسيت عمري مب مستريح وأموري ما تيسرت بالرغم إنهم نزلولي في السعر، رحت المعرض وسلمت على صاحب المعرض إماراتي الجنسية وعلى الموظف الفلسطيني، المهم قلتله خلاص مابي الموتر وهاذي فاتورة الحجز وردلي 500 درهم، رد عليه الفلسطيني أي 500 دهم!!! خلاص إنت تأخرت علينا نحن كنا حاجزين الموتر لك و500 لا تسترد، قلتله عيب عليك إنت ما تتذكر إيش خبرتني قبل لا أدفع 500 درهم، قالي أنا مالي خص هاذوه راعي المعرض إتفاهم إنت وياه، قلتله أنا مالي خص بالراعي المحل لأن الإتفاق كان بيني وبينك، المهم قلتله حسبيا الله عليك ونعمة الوكيل ومشيت…لليوم أتحسب عليهم مب عسب 500 روبية لأ!! ولكن قهر إذا الشخص وعدك بالشي وخاصة إذا كان ريال ويخلف بوعده…معرض 111 للسيارات (اللهما يارب إذا أنا كنت مضلوم لا توفقهم في بيع سياراتهم يارب العالمين) وهذه الرسالة كاتبها في يوم الجمعة الموافق 13 إبريل 2007 عسا تكون ساعة إستجابة..
   وإسمحولي يا إخواني إذا كنت طولت عليكم..

   لعله خير

   اخوي لو السياره ما نجحت بالمرور تقدر ترجع فلوسك غصبن عليهم

   لو انا مكانك ما اسكت عن حقي

   المهم

   انت اتصل بي وانا بدبر لك سياره اللي تباها 0504200009

4. مرحبا اخوي خلدون طول بالك انالله يمهل ولا يهمل وانشالله الله

   بيفتحلك باب الرزق من اللي صارلك ولاكن حط هذا الشي في بالك

   انك ماتتعامل مع الفلسطينيين لانهم اتحس مشايفين خير

   والسموحه على المشاركه.

Comments are closed.