كتبت هذا الموضوع ردا على الشباب اللي هب صادقين في تعاملهم وكلامهم فاضي ويتهربون وقت الجد
اعز ما يملكه الانسان هو دينه
وبعدين مروءته ونخوته ومعدنه
انا اللي تربيت عليه اني ما اتراجع عن جلمة قلتها لو الموت, الا اذا كنت على خطا
واذا واعدت انسان مستحيل اغشه واذا طلبني ريال ابيع دمي عشانه
وهذي الصفات موجودة فيكم جميعا فلا تنسونها
يا عيال بلادي نحن ما تهمنا الفلوس على قدر ما يهمنا مبادئنا واخلاقنا ورجولتنا ومعدننا
بس حبيت اذكركم والله الموفق
أشكركم إخواني الأعزاء على الردود..وحسبيا الله على كل من غش بني اَدم في بيع أي سلعة، يحلفون بالقراَن وبعيالهم ويقسمون عسب يبيعون بضاعتهم!!! ياخي كيف إنت تقسم بالله عسب تبيع بضاعتك وياريتها صالحة!!!
والله عيب يا إخواني ليش البيزات خبلت عقول أكثر الناس!!!
أخوي ريفي أنا ذكرت الجنسية، لأني أتمنى إن رسالتي توصلهم وهم بيعرفون أنفسهم وأكيد بيتذكرون من خلدون..أخوي B.s.m مب ناقص عوار راس شرطة وروح وتعال والشارجة وأنا من سكان دبي..إنشاء الله مايتوفقون إذا صدق ظلموني..وأشكركم إخواني مرة ثانية على ردودكم والله يعطيكم ألف عافية والله يجازي بوحمدوون على موضوعه الهادف رداًَ على كل تاجر غشاش.
حسبى الله ونعم الوكيل الله يعوضك ان شاء الله عنها بيت فى الجنة
صح لسانك…
ولكن في بعض الرياييل (إللي هم أساساًَ مب ريايل) ما يصدقون في كلامهم وبضاعتهم مخشوشة وغشاشين (حسبيا الله ونعم الوكيل فيهم)..مرة من كم إسبوع كنت أتصفح مجلة السارات Auto Trader وبعدين لقيت السيارة إللي كنت أدور عليها (جيب رانجلر) في معرض 111 للسيارات، رحت المعرض وتلاقيت مع موظف فلسطيني (حسبيا الله عليه ونعم الوكيل فيه) قلتله الموتر داش خاطري ولكن بنفحصه في الإيبكو، قالي إدفع 500 درهم وسار كتب الفاتورة وكله على السريع، وقالي إن غيرت رايك أو الموتر فيه شي بردلك 500 درهم وإتفقنا، ولما سرنا ثاني يوم أنا وهو وواحد من الربع التسجيل ودفعت 50 درهم قالولنا لازم إتنظفون الموتر من تحت لأن الشاصيه غير واضح، وسرنا محطة الإمارات إللي في القصيص وغسلت الموتر من تحت بخار ب 70 درهم وردينا التسجيل مرة ثانية، المهم قالولنا الشاصيه في ضربه، المهم ونحن رادين على المعرض الريال الفلسطيني تم يسب صاحب المعرض وتم يشتكيني أنا وربيعي من صاحب المعرض لأن في مشاكل بينه وبين صاحب المعرض، المهم وصلنا وكان صاحب المعرض موجود وقلتله إن الموتر في ضربه في الشاصي ولكن ماعندي مشكله باخذ الموتر ونزل لي في السعرشويه، قالي صاحب المعرض (الضربة عاديه جداًَ من البر وكل موتر يدخله البر ممكن يصيبه ضربة في الشاصيه) المهم، قلت للريال الفلسطيني إقنع صاحب المعرض ينزل لي في السعر شويه، قالي ما يهمك،المهم، صليت إستخاره وحسيت عمري مب مستريح وأموري ما تيسرت بالرغم إنهم نزلولي في السعر، رحت المعرض وسلمت على صاحب المعرض إماراتي الجنسية وعلى الموظف الفلسطيني، المهم قلتله خلاص مابي الموتر وهاذي فاتورة الحجز وردلي 500 درهم، رد عليه الفلسطيني أي 500 دهم!!! خلاص إنت تأخرت علينا نحن كنا حاجزين الموتر لك و500 لا تسترد، قلتله عيب عليك إنت ما تتذكر إيش خبرتني قبل لا أدفع 500 درهم، قالي أنا مالي خص هاذوه راعي المعرض إتفاهم إنت وياه، قلتله أنا مالي خص بالراعي المحل لأن الإتفاق كان بيني وبينك، المهم قلتله حسبيا الله عليك ونعمة الوكيل ومشيت…لليوم أتحسب عليهم مب عسب 500 روبية لأ!! ولكن قهر إذا الشخص وعدك بالشي وخاصة إذا كان ريال ويخلف بوعده…معرض 111 للسيارات (اللهما يارب إذا أنا كنت مضلوم لا توفقهم في بيع سياراتهم يارب العالمين) وهذه الرسالة كاتبها في يوم الجمعة الموافق 13 إبريل 2007 عسا تكون ساعة إستجابة..
وإسمحولي يا إخواني إذا كنت طولت عليكم..
السلام عليكم ورحمة الله وبركاتة
أخوية أنتة تقدر تسترجع العربون اذا السيارة لم يتم قبولها في الفحص , سير واشتك عليهم في الشرطة وبتسترجع فلوسك 100%
كيف تقدر تاخذ فلوس حرام وتاكل فيهن ويمكن تأكل عيالك
كيف تقدر تصرفا شي حرام وعلى شوه بتصرفه
ماتخاف أنه يردا عليك بعقاب من الله في الدنيا قبل الاخره
مثلا في عيالك أو فيك بنفسك مثلا تصاب بمرض
حتى لوتفكر أتوب ماتنقبل التوبه لين ترجع الحقوق حق أهلها
الفلوس تي وترووح وتبقا النفس والروح
رفقااا في أنفسكم ياأخواني من الدنيا
يوم تنحط في الحفره ماتشل غير ثوب أبيض
والفلووس خياس دنيا
وانا أقووول آمين مع أخوي khaldoon اذا كان مظلوم
وسامحوني كان طولت
نفس الساالفه اخوووووي .. صاارت لي امثال فيهاا ..
يحلفووون بالله ان البضااعه زينه بس علشاان يبيعونها ..!!
لاتصدقووون احد ابد بدوون اوراق وشهووود