السلام عليكم ورحمة الله وبركاته أخواني وخواتي أعضاء الاداره هذا الموضوع انذكر أكثر من مره بخصوص تقييم السيارات الموضوع الي مثبت فووق الى متى بنتم نعاني من عدم تواجد شخص بشكل شبه دائم لتقييم السيارات الي تنعرض الصراحه واحد يحط موضوع ويكون مستعييل يبا يبيعها ولا يحصل رد لمدة أسبووع شو المشكله ان يتم تثبيت شخص يكون متفرغ لهاي الشغله ؟؟؟؟
السمووحه …
أخوي مب هنه المشكله المشكله يوم التقييم يتم للبعض ومايتم لللاخر يحس الواحد انه انظلم فهالناحيه وبعدين انا عارض نيسان بترول (فتك) اعتقد هذي لو تيب اي حد بيقدر يقيمها والي مايقدر يقييم يقووم اسمحلي راعي الرد كذا ماعندي تقييم لسيارتك مب يطنشه ويخلي الريال يتريا؟!؟!!؟!؟!
__________________
يا اخوان
انتو تنظرون للتقيم من زاويه واحدة
مشكلة تقييم السيارات تكمن في عدة نقاط
يعني مثلا السياره اليوم جيمتها 50000درهم
تلاقيها بالباكر نزلت 5% لسبب من الاسباب
بعدين الزاويه الثانيه
انه ما فيه واحد يعرف لكل السيارات
يعني مثلا
بإمكانا انا نقيم السيارات اليابانيه
وبعض السيارات الالمانيه
لكن فيه سيارات وايده ما نقدر نقيمها
لعدة اسباب
بعدنا عن سوق هاي السيارات
قلة العرض والطلب عليهن
وأسباب أخرى
بس إن شاء الله أنه يكون هناك أشخاص عده يتعاونو في التقييم
وأتمنا أنه التقييم يكون منطقي وعادل للطرفين
كل الشكر
اخوكم
سالم الكعبي
وانا اقول صبروا الريال عنده شغل وحياه هب الا فاضي للنت
ودامه موجود تراه مايقصر ويقيم .. واللي يعرف يقيم يتفضل يقيم
ويساعده مااظن في مشكله
كلامك صحيح بس انا عندي اقتراح انا الي يبا يقيم ينزل على العام مده اسبوع ا 3 ايام لين ما يشوف الردود وبعدها يتم اغلاقه او حذف الموضوع
حسب رغبه عضو المنتدى
كلام اخ الكريم صحيح 100% وشكرا على الموضوع