السلام عليكم ورحمة الله وبركاته
أنا اشتريت من الأخت تاجرة من أمريكا بضاعة من أمريكا وقالت انها بترسلي البضاعه بس أنا الحين اخاطبها من عدة أيام بس ما وصلني أي رد من الأخت، فعسى المانع خير، واتمنى اذا أي حد من الاخوان يعرف الأخت يكلمها ويقولها ترد علينا، واذا في مجال ارجو ارسال طرق التواصل مع الأخت كالأيميل وغيره بالخاص لكي اتابع موضوعي لأن الموضوع صارله أكثر من شهر، ان شاء الله تكون الأخت بخير، وفي انتظار ردكم وارجو المساعدة وشو تنصحوني أسوي، وحياكم الله.
اخوي الاخت تاجره من امريكا حاليا مش موجوده
وهي بترسل الاغراض كلها ثمن بترجع بلادها اجازه
يعني حتى عدم وجودها لا اتخاف منه
الاخت امينه وانا مجربنها ويشهد الله انها راقية
بس اخر شي دار بينك وبينها هو الحكم
يعني ل اغراضك موجوده ..؟
هل طلبتها .ألخ
ومسالة الموضوع شهر اول مره اسمع فبها
لني جربتها والموضوع ماخذ له 10 ايام فقط واقل ما بين ارسال الفلوس واستلام البضاعه
بصراحة
وبصراحة سالفة التواصل عن طريق الايميلات وخاصة في اتمام عمليات البيع والشراء ..؟؟؟؟؟
لو التاجر يحط رقم تيلفوننه احسن
سبحان الله لو الايميل انسرق ؟؟؟
شو الحل كيف يتم التواصل ؟؟؟
وانت طلبت نصيحة ونصيحتي لك
اكثر من الاستغفار
مرحبا اخي الكريم ..
اصبر ولعل المانع خير ان شاء الله ..
يمكن الاخت عندها ظرف او شيء منعها من التواصل معك ..
وان شاء الله ترد عليك عما قريب
وين رابط الموضوع أخوي
إن شاء الله يكون عندها ظروف وترد
للرفع، الله المستعان.