اصبحنا واصبح الملك لله والحمد لله….

احيانا مهما كانت درجة تحملك وسعة صبرك …تمر بمواقف تنجبر فيها تفقد اعصابك وتنسى نفسك..وعلى غفلة تتحول الى شخص عنيف وقاسي جدا ..

وانا في طريجي للدوام على شارع الخيل بدبي…الحركة كالعادة انسيابية على الشارع (متجه لديرة) وسرعة الشارع 120ك/م ومع ذلك اتحس ان السرعة غير مناسبة لحجم الشارع..

دايما اسوق اقصى اليسار والتزم باقصى سرعة محددة..واليوم لقيت قدامي ميني باص (وايد صغيرة نفس النوعية اللي يستخدمونها بعض البيوت حق اغراض الجمعية) على اقصى اليسار….يمشي بسرعة 85 ك/م والشارع ما فيه وايد زحمة..في العادة اغلب السيارات تعطي درب اذا شافوا سيارة قربت منهم….قربنا…ما يحس..ديمت له…هم ما يحس…دقيت له هرن…موووول ما يحس..تميت مهوس عالهرن ولصقت بمبر ابـ بمبر ..الحبيب مطنش ولا معبرني…. مصمم يمشي 85 …همممم

كل المحاولات باءت بالفشل…الاعصاب قامت اتفتف عندي

والحل؟… مو معقولة اتصل بالشرطة واقولهم تعالوا شوفوا واحد يمشي 85 على شارع سرعته 120 …

يعني ما في حل ثاني غير حل عنيف جدا عالج الموقف نفسك بنفسك …

تجاوزته وكسرت عليه بقوه ..كنت بدعمه بس هو طلع برع السيد وجسيت بريك في ويه على طول وكان شوي بيدعمني بس هو جس بيرك وبعد مرع طلع برع الخط….وعلى طول حول الى اقصى اليسار ومشى مثل الناس يعني ما اتيي الا بالعين الحمره؟

مو تشجيع مني للتصرف بهذي الطريقة..لكن في مهنده عفانا الله احيانا يجبرونك تتعامل معاهم باسلوب غير حضاري لان هالاسلوب الوحيد اللي يفهمون عليه..

لو كنت في نفس الموقف..كيف بتتصرف؟

29 thoughts on “ويبونا ما نفقد اعصابنا في الشوارع؟”

  1. ههههه ما عليه حصل خير ياخوي هدي اعصابك ، انزين انا بقولك شي طبعاً انا يومياً عندي ظرب مشاوير في زحمة دبي ،،
    وووايد اواجه مثل هاي التصرفات .. ومن خلال تجاربي اليومية اخر شي اقتنعت بـ طريقة تعتبر هي الافضل ..

    لما تشوف واحد يسوق على 80 او 70 .. او دااح فل بريك على الخط السريع .. خخخ. احسن حل انك تتجاوز واتي جدامه وتكمل دربك ولا تشيل اي هم او تكدر خاطرك ..

    لانه بصراحة بتتعب وياهم ومزاجك بيخترب ..

    خلك كووول …

  2. احب هاي المواقف اصراحه لانه ساعات يستوي فيها الدبغ

    عيل ابوووووووووووووووووويه ما علمك

    ما كان يعطيه طريج وعصب ابويه … طبعا هذاك اليوم من دوووووووووووووون شي كان مشوط

    وايييه مني بص ويقهره ومادري شو قاله الهنيدي السبال

    ويقوفه غصبن عن امن يابته

    وينزله

    وبلعقال

    شيـــــــــــــــــــــــــــط شيــــــــــــــــــــــــــــــــــــط في حياتي ما انسى هالموقف

    ومن غير الطراقات اللي حصلها

    ولعن بو خامس خامسه من وين يا

    ويوم ركب السياره ياي شاق الحلج شكله طلع حرته وطلبنا كلينكس اونه الله يغربله داهن ويه بدهن تاتا

    او حركه ثانيه …. خصه ابويه له تاريخ عريق عشارع الخيل عنده سياره مووووووستحيل يبيعها عشان المدعميه

    يوم يدعمونه كمل ودعمهم زاد الطين بله يعطيهم الرقم ويقول يوم بتي الشرطه خبروني لاني مب فاضلكم ويوم تي الدوريه ياهم

    بـــــــــــــــــــــــــــــــــي ريلاكس

  3. ياخي والله إنك فنان
    بردت صدري والله
    المشكلة ياخي يسوقون ويتحسبون عمارهم على الكورنيش
    ملصق ويها في الدركسيون وما يناظر يمين او يسار
    وطااااااااااااااااااااف
    لو حد مات مايدري عنو
    كل يوم أشوف هالموضوع على شارع الإمارات
    وأحيانا في بعض الإخوه من الهنود
    يعطيك ديم ويوم تفتح طريق ينام لا يمشي ولا يخلك تتجاوز
    ويكون يضحك
    محسب عمره في أحد أفلام أميت باتشان ومستانس لإنو عطيتو طريق
    الله يعطيك العافية وشكرا للتصرف الحكيم (*_^)
    أحس عمري إستويت إبليس
    ههههههه

  4. خيبه خيبه داشه سبااااااااق الاخت شكلج واااايد مستعيله لدوااااااام

    الله يهديج كان جاوزتيه من اليمين وسرتي عنه

    تخيلي لو انه دعمج من مسكتي بريك جدامه

    لو لا سمح الله صار شي فيج

    المهم مثل هالمواقف جاوزيه وروحي عنه

Comments are closed.