السلام عليكم
.
.
.
.
تسفيل فالاعضاء .. طعن وخروج عن الكلام المألوف والمحبب سواء فالمواضيع او الردود
ردود سطحية .. لا تبني ولا تهدم .. ولكنها تزرع فتن وحقد لا مثيل له في طياتها ..
موضوعي اليوم قد يعاني من الكثير منا .. وخاصة بين اروقة منتدانا الغالي …
قد بلغ السيل الزبى .. >> وعلى قولة اخوية R.P.G .. طغى نعيق الغربان على تغريد العصافير ..
ما الذي دهانا .؟؟ الى اي مستوى يراد بنا الوصول اليه ؟؟
بالفصحى ( شو السالفة يا جماعة الخير ) ..
وآت إز هابننك هيــر !! 
قمنا انشوف مشاحنات وهذا يطغى على ذاك ..
أين اللباقة فالحديث والحوار ..
أين اللباقة فالحديث والحوار ..
سماحة الخلق .. والحلم عن الغضب ؟؟ اين اندثرت ..
اين الادب في التعامل وحسن المناصحة في الحديث ..
احدهم يرد على المووضوع فتراه يحتقر هذا ويكذب ذاك .. ويطعن في صااحب الموضوع .. ويطالب ويولول في غلقه .. من لغاليغه .. 
والآخر ينتظر فرصة الحصول على اول رد .. لينفث سمه فيه .. فينطلق البقية وراءه الا من رحم ربي ..
واخر يستمتع بتطبيق شعار ( رد علي بكلمة برد عليك بعشر ).. !! 
قال رسول الله -صلى الله عليه وسلم-: (من كان يؤمن بالله واليوم الآخر فليقل خيرا او ليصمت ..)
فهل لكم في حديث رسول الله وقفة ؟؟
من كان يريد قول الخير فليتفضل .. ومن يرى بانه لا .. فليصمت .. فالتوسع في الكلام المباح قد يؤدي إلى الاستئناس بكلام مكروه أو كلام محرم .. من غيبة ونميمة او بهتان .. والصمت قد يكون لحضوره هيبة بعض الاحيان
..
فالنهاية
في أداة فالمنتدى مخترعينها مب عشان نطالعها لا .. عشان لو ما عيبنا رد او موضوع نقدر نضغط عليها .. عشان اي مشاركة سيئة ومخلة بالاداب .. او تقدر اترد على العضو بطريقة حلو ولطيفة .. ولو حاب تنصحه انصح بطريقة تحبب مب تنفر ..
في اختراع آخر اسمه الرسايل الخاصة لو حاب توجه اي شي لاحد الاعضاء .. يعني ماله داعي ابراز العضلات عالعام والتطاول على بعض ..
وأخيرا ..
دمتم بخير ورقي ورفااهية مطلقة >> احساس الشارجة يا ويلك لو قلت منو المطلقة 
بقلم اختكم الصغنونة
الغر الحشيم 2009
اختى موضووووعك رائع
بس حان الوقت لإغلاقه … طبعا لأنه طلع عن مساره
ننتظرك جديدك
السلام عليكم ورحمه الله وبركاته
BiN_HaMMaM
اول شي انا احترم رايك ووجهه نظرك
و الاخت سول ما قصرت في نقاط .. واوافقها الراي
بس الي احب اضيفه
و خاصه في امور التشبيهات …
من وجهه نظري يمكن ما نتفق فيها…
قبل كل شي انا اكد على كلامك الله خلق الانسان وميزه عن غير …
احنا ما ننظر للتشبيهات الحيوانيه .. على اساس تشبيهات جسديه مطلقه… يمكن نحاول نوصل الى تطابق في صفه معينه
شفنا كتب كليله و دمه ….. كيف تسرد القصص بتشبيهات حيوانيه.. ملك الغابه الى الثعلب المخادع و باقي الحيوانات الي تتكلم بلغه الانسان
الجرايد المجلات
شوف كتب الاطفال..
الثعلب المخادع.. التمساح الشرير…
الكريكاتير السياسي .. الاقتصادي..
تشبيهات سوق الاسهم.. الهامور و اليريور…
تستعمل لغه التشبيهات.. في حياتنا اليومه.. مثل دموع تماسيح.. حربايه مالها امان ( مصري )) .. واحد يلف عليك .. كبش .. و احد دعمك عنز… واسطه كبيره هامور…. واحد مدمر مستقبله ..
بن همام
فكر فيها من صوب ثاني
الي يفاجئ في الامر طلعت عند البعض طاقات في الابداع في التخيل و الكتابه
قصص من بنات افكارهم…
من شباب و بنات
من مستويات ثقافيه مختلفه…
يمكن نتفق و يمكن لا مجرد راي
و بالنسبه للتعميم على اعضاء 2008 هم سبب المشاكل… رايك يباله مراجعه.. و انته ادرى برايك
موب شرط التقدير يكون للعضو القديم اكثر عن الجديد هذا موب مقياس للتقدير.. الكل له تقديره سواء سجل اليوم او كان مشارك من البدايه
مجرد راي
و الشكر الجزيل لصاحبه الموضوع
و الشكر الجزيل لكل عضو
بمواضيعكم نستفيد و بفكركم نرتقي
بسير اخذ اسبرين
لاني موب متعود استخدم مخي وايد
خخخخ
تحياتي لك
وصباحكم عسل
أنا نفسي أشارك من بداية الموضوع، بس مب متشجّع.
لأن كمية الصراخ اللي فيه، تغلب على الكلام المنطقي.
آسف يا اختي الغر و اخواني الأعزّاء، ما الى مشاركتي من سبيل.
عفواً اخوي
ما ندري اللي راح يسجل في المنتدى سنه 2008 راح يكون سبب في اقامة الفتنه في ها المنتدى
المفروض شوي كنت لفيت لفه محترمه على المواضيع القديمه
واللي سجلو قبل سنه الفتنه وشفت مواضيعهم
ما يمنع ان طلع موضوع والا موضوعين بين كمن شهر فيه نوع من المزح الخفيف ياما شفنا مواضيع من مشرفين المنتدى فيها نوع من المزح وتبادل حوار محد اعترض بالعكس نشكرهم انهم رسمو البسمه على ويوهنا..
وبخصوص تطرقك لموضوع ( السحالي والتماسيح ) انا بحثت وفعلاً كان فيه تنبية بخصوص الابتعاد عن ها الموضوع بس ما يعطيك الحق اتقول سبب للمشاكل وحروب اكترونيه !
لف لفة بسيطه !
شوف مواضيع الاشعار والبطاقات اللي فيها كلام حب و غزل
اشمعنا ما رمستو عن ها المواضيع !
والا ها المواضيع اللي بدخل صاحبها الجنه !
اسفه صاحبة الموضوع !
بس يا اختي كنتي بعد المفروض تلمحين لمواضيع الحب والغزل والتفنن في عرضها
بس بس الارتقاء في الردود
الكـــــــــــــــــــــل في الموضوع عارض على مواضيع النص كــــــــــــــم
عيل اذا 99% منكم معارض على ها المواضيع منو اللي كاتبنها عيل
يبالكم اتسووون (بحث) عن كل عضو رد في ها الموضوع عن مواضيعه
الا اتشوفون فيه نوع من ردرود السخريه وتبادل حوار
اسفه بس هاي وجهة نظري في ها الموضوع
السلام عليكم ورحمة الله وبركاته
وانا رديت عليك باحلى تحية تحية اهل الجنة الله يرزقنا