وظائف شاغرة ( موضوع متجدد )

2٬185 thoughts on “وظائف شاغرة ( موضوع متجدد )”

1. مواطنين

   دبلوم كمبيوتر

   يفضل خبره سنة أو سنتين

   الوظيفة فني مكتب الدعم الفني “استلام المكالمات وحلها عن طريق التلفون وبرامج التحكم عن بعد“

   الوظيفة في مؤسسة شبة حكومية

   الراتب 11000 وممكن انه يطالب بأكثر

   دبي

   الرجاء إرسال السي في على الرسائل الخاصة

2. مساكم الله بالخير

   انا اشتركت بالمنتدى اول شي لاجل اضيف على ها الموضوع بالذات ، انا استغرب يوم الاقي المواطنين
   يقولون مش محصلين شغل وانهم يحتاجون واسطه ……..الخ

   المشكله يا جماعه انكم ما ترضون تشتغلون في اي مكان كل واحد حاط باله انه يشتغل بمكان ومايبا غيره
   انا ما اتكلم عن جهاله انا اتكلم عن خبره ومعرفه وعشان ما اظلم الكل نقول بعض المواطنين ( قلنا البعض).

   بدخل بصلب الموضوع عشان تكونون وياي بالصوره ، بضرب المثل حطينا اعلان ندور فيه على حد يدور شغل في بنك اسلامي او غير اسلامي ، ويتنا السيفيهات بالكم اتصل بروحي بعد ما اخلي حد وياي بالمكتب يتصل ، السي في يقول راعيه انه انجليزيته 70% اكلمه بالانجليزي عن طريق التيلفون يعطيني
   حد من عنده يرد عليه ويقول كلميني انا عشان هوه مش لين اهناك بالانجليزي .
   اول شي ضيع الفرصه على غيره .
   ثاني شي ضيع الوقت لاني كل ما اتصل ما يرد او يكون مشغول ولازم انا اعرف الرد منه قبل لا آخذ حد غيره .
   ثالث شي يتشرط انه ما يبغي راتب اقل عن 10000 درهم وانه يبغي دوام قصير وانه يبغي يشتغل في الفرع اللي هوه يباه .
   رابع شي اساله شو عندك يقول ثانويه عامه عندك خبره قال لا انزين ما عليه دورات يعني بعد الثانويه شو سويت يقولك ماشي ( انزين بذمتكم انا ها شو اشغله وهوه ما يعرف كوعه من بوعه) .
   خامس شي وبعدني ما فقدت الامل فيه شو رايك اخليك في الاستعلامات لين ما تتكون لك خبره وبعدين انا بوديك بعد دوره من ست لثلاث اشهور يقولك لا ما عندي وقت . ( شو الحل وياه خبروني يا الربع ؟؟؟)

   ************************************************** ***********************

   خلونا من هذا كله عندي اشغال متنوعه متعاونين عليها من كذا مكان وطلبت مره مندوب ورب الكعبه لو كانوا جدامي بوطي عا راسهم واقولهم اشتغلوا لكن من يقول وين الواحد بيلاقي ، اربيعتي اروى ما قصرت وهي بعد منتسبه للمنتدى وعضوه فيه وحطت بعد اعلان بس لا حياة لمن تنادي وطرشتلي كم مندوب
   وبتيكم الرمسه ، الله يسلمكم اول واحد سار المقابله باشروطه ابا في دبي الشغل وما يكون الا لين الساعه 2 وخميس وجمعه اجازه ، ويوم وصل المقابله اكتشفوا انه الريال يشتغل اصلن ( خرب عا غيره ) قالوا ما عليه يبغي يغير انزين يا فلان شو رايك الحين انته ما عندك سياره كيف تبا تشتغل مندوب قال اقدر ادبر عمري ما اطول عليكم اتفقوا وياه عا كل شي وباقي ايي ايداوم عندهم ( وعينكم ما تشوف الا النور) وانا بروحي كنت اتصل فيه بعد ما شي رد ابد ، انزين يا ولد الناس ما تبا الشغل تراه غيرك يباه قلت ابا راتب عالي قالولك بنعطيك 7000 درهم ووافقت شو اللي خلاك تسير ولا تسال وبعدين بتقول ما حصلت شغل ومسؤولياتي اكبيره وفوق ها قالوله بعد 6 اشهور بنزيدك . فص ملح وذاب

   بعد اسبوعين رد نفس الشخص واتصلي وتعلث واتعذر قلنا ما عليه ولد ابلادي وبساعده قال ابا في مكان حكومي ولحسن الحظ وحده من الاهل مسؤولة التوظيف في المكان بعينه قلت له انزين طرش السي في مالك عا ها العنوان ( واكبر طاااااااااااااااااااف سوالي ).

   ************************************************** **********************

   مثالي الاخير نقدر نقول عليه مهندس او فني الكذ ب يعداكم ناسيه عموما قال انا لقيتكم متصلين من اسبوع وانا مسافر والحين انا ابا كذا وكذا قلتله عطني يومين وبرد عليك الله وكيلكم نجعت تيلفونه وكا العاده بو لابس واخر لاسبوع عن الحلال والحرام رد اتصل يعني ان حسبناها بتكون اسبوعين قلتله عطني ساعه وبرد عليك لانك انته تاخرت علينا وبشوف اذا المكان شاغر والا ، سالت وقالوا بعده المكان موجود ما وحالي ربع ساعه واتصلت له ولين يومكم هذا ما رد عليه . الاوادم ما بيتمون يتريونه لين يتزهب خذو غيره من الجنسيه لي الكل يعرفها وبنص الراتب بعد .

   ************************************************** **********************

   المشكله يا جماعة الخير مش في الشغل المشكله في امنوه راح يقبله وان قبلناه تاففنا وقلنا الجاليه الاسيويه والجاليه الاسيويه شوفوهم كم يجتلون عمرهم عا الشغل نحن ما نباكم تذلون عمركم او انكم تنهانون بالشغل بعد ما نرضاها فيكم لكن نباكم تقبضون ابلادكم والمثل يقول ( حبه على حبه تمتزر الدبه) وصدقوني راح تتيسر الامور كلها .

   والسموحه اني طولت عليكم وادري اني اشوي ضكيتكم بالرمسه ومنكم السموحه والباب مفتوح ويا مرحبا السااااااع.

3. السلام عليكم ورحمة الله وبركاته

   بنك الامارات – فرع دبي
   طالبين بنات وشباب الصراحة نسيت كم العدد…
   على ما اعتقد تقريبا 10 بنات وشباب تخصص IT دبلوم عالي وبكالريوس… واول يوم للوظيفة إن شاء الله بكون 1/8

   وبكون تدريب وشغل في قسم IT

   صح نسيت اقول لكم إن المعاش بكون 17500 درهم

   ::

   +

   ايميل شركة توظيف

   icon.uae@imcme.ae

   ::

   منقول

   “وما أسألكم عليه من أجر ان اجري الا على الله “

   

4. مطلوب لشركة انتر ليموزين بالشارقه الوظائف التاليه:

   1/ سائقات برواتب مغريه
   2/ مدير تسويق لديه خبره في الليموزين

   يرجي التواصل علي الرقم 065582680

5. مرحبا ..
   محد منكم يعرف مصرف والا بنك يبون موظفين تعبت ابا اشتغل… كل اللي فالبيت ينشون الصبح يداومون الا انا والله انش والدمعة فعيني انا عندي خبرة سكرتاريا سنتين وفالبنك 6 شهووور … ما اقوول الا الله كرييييييييم

Comments are closed.