السلام عليكم ورحمة الله وبركاته ،،،

مبروك للجميع محبين السيارة الخارقة GTR على وصولها في أبوظبي ..

معلومات سريعة عن السيارة ..

نيسان GTR دفع رباعي ..

عدد الاحصنة: 480

عدد الاسطوانات: 6 سلندر

سي سي : 3800

من صفر لاحد 100 ك/ م: 3.6 ثواني وزيادة شوي ..

جير عادي: 6 سرعات سريعة الاستجابه ..

عليها شاشة عرض متوفرة في جميع المجالات المتطورة حديثة، وفيها لعبة سوني بلاي ستيشن..

منقول
تحياتي للجميــــــــــــع ،،

58 thoughts on “وصول اول دفعه على مستوى الشرق الاوسط جي تي ار .. في الامارات العربية المتحدة (بالصور)”

  1. يااخوان هذا الموضوع عن الجيتي ولا مقارنته مع البورش الله يهديكم ، شوفو صور السياره ومواصفاتها بس وانتو وديتونا حق البورش ، المهم السياره عجيبه وعدد سكان الدوله 14% يعني بتنزل هذي السياره وبنستوي 10% الاربعه في الميه انا لله وانا اليه لراجعون تعيشون انتوا

  2. 430 ألف هاذي عشان السياره نادره فقط وكل يعرض علي كيف كيفه بس من تتوفر بكميات بينزل السعر شي طبيعي يحصل مع معظم السيارات اثناء صدور فئات جديده اما الاعلان الرسمي من شركو نيسان 70-75 ألف دولار يعني 276 ألف دولار وعشان نحن مقصات يالله بنقول الوكيل بيزيد 50 ألف يعني بتكون بحدود 325 ألف هذا اولا عن السعر
    المصدر
    2009 Nissan GT-R Price

    ثانيا الاخ بن بطي السياره اثبت من جميع فئات البورش بأستثناء الفئه الاولى اللي هي الكاريرا جي تي وهذا بشهادة الاوربيون نفسهم وحلبة نيوبيرق تشهد علي ذلك يعني شغل يو تيوب والاسعار اللي حاطها ما ادري من وين تييب هالارقام

    GTR ثالث اسرع رقم في تاريخ اشهر حلبه في العالم وتفوقت عليها فقط سيراتين اللي هي الزوندا والاكاريرا جيتي اما جميع الفئات من جميع السيارات في الخلف

    والاهم ماننسى ان هناك فئه V Spec قريبا

  3. بتضاربون عشان سياره ؟؟؟

    لاله الا الله محمد رسول الله

    يامغيث يامجيب دعاء المضظر اذا دعاء

    انظر لهذه الامه الي تخلفت عن دينها وتاريخها بعينك التي لاتنام

    قالي بورش وسيكل ومادري شوو

    في النهايه انتوا في الامارات شوارع صغيره وكلها رادارت وين بتروحون يعني بهالسيارات الي في الاصل صنعوها عشان السرعه الزايده الي تبالها مسافات طويله مثل امريكا واوروبا

    يعني احنا ناقصين موت على الشوارع

    ومثل ماقال بن باز رحمه الله من مات على سرعه عاليه فهو يعتبر منتحر

    شو بيفيدك انت وياه هالتفكير يوم بتموت وانتت ماشي على 300 ومشغل اغاني ومادري شوو ؟؟

    ليش الواحد مايشوف اخرته ويتواضع فحياته

    430 على سياره ؟؟ هالمبلغ بيعيل اسر باكملهاا وبتدعيلكم بعد

  4. الGT-R ماعليه كلام
    لكن يا جماعه ياباني ولا الماني
    PORSCHE 911 TURBO 2008
    VS
    2009 GT-R
    وللعلم الجيتي 480 حصان والبورش نفس الشي بس عالشارع ….البورش
    ومعا احترامي لمحبي الجيتي ..بعدهم اليابانيين ما وصلو لتقنية الالمان…ادخل الYOUTUBE وابحث عن تصوير الجيتي اليديد…واسمع التواير عالمنحنيات(المنعطفات) ..وبالمثل ادخل عالبورش .وبتعرف الفرق.والسعر : البورش (460 الف) والجيتي عل حسب الكلام (430 الف)!!

  5. اخوي الجي تي2 سيارة ما عليها كلام بس فرق السعر كم يا ريال

    جي تي 2 من الوكاله تقريبا 700 الف مع المواصفات يعني دبل سعر الجي تي ار

    بقولك اياها لو عندي فلوس باخذ جي تي 2 ولو ما عندي وايد باخذ جي تي ار وفالحالتين بستانس عاللي دفعته

    فديت خشمك حبوب .. وانا معاك مليون في المية .. نحن نتكلم عن سيارات .. مب على المبالغ !! لان بالفعل سعر الجي تي 2 بالضبط 620 الف درهم .. و سعر السكاي لاين غير معروف بس بقولون حدود 400 الف .. على العموم السيارتين حلوات .. و مافي احلى منهم

Comments are closed.