السلام عليكم ورحمة الله وبركاته ،،،

مبروك للجميع محبين السيارة الخارقة GTR على وصولها في أبوظبي ..

معلومات سريعة عن السيارة ..

نيسان GTR دفع رباعي ..

عدد الاحصنة: 480

عدد الاسطوانات: 6 سلندر

سي سي : 3800

من صفر لاحد 100 ك/ م: 3.6 ثواني وزيادة شوي ..

جير عادي: 6 سرعات سريعة الاستجابه ..

عليها شاشة عرض متوفرة في جميع المجالات المتطورة حديثة، وفيها لعبة سوني بلاي ستيشن..

منقول
تحياتي للجميــــــــــــع ،،

58 thoughts on “وصول اول دفعه على مستوى الشرق الاوسط جي تي ار .. في الامارات العربية المتحدة (بالصور)”

  1. هههههه الله يعينهم اصحاب الجياتي على النقاط السوده هههه

    الله يحفظ الجميع ان شاء الله

  2. بتضاربون عشان سياره ؟؟؟

    لاله الا الله محمد رسول الله

    يامغيث يامجيب دعاء المضظر اذا دعاء

    انظر لهذه الامه الي تخلفت عن دينها وتاريخها بعينك التي لاتنام

    قالي بورش وسيكل ومادري شوو

    في النهايه انتوا في الامارات شوارع صغيره وكلها رادارت وين بتروحون يعني بهالسيارات الي في الاصل صنعوها عشان السرعه الزايده الي تبالها مسافات طويله مثل امريكا واوروبا

    يعني احنا ناقصين موت على الشوارع

    ومثل ماقال بن باز رحمه الله من مات على سرعه عاليه فهو يعتبر منتحر

    شو بيفيدك انت وياه هالتفكير يوم بتموت وانتت ماشي على 300 ومشغل اغاني ومادري شوو ؟؟

    ليش الواحد مايشوف اخرته ويتواضع فحياته

    430 على سياره ؟؟ هالمبلغ بيعيل اسر باكملهاا وبتدعيلكم بعد

    صــح لــــسانـــك

    و الاعمار بيد الله

  3. من اليوم فصاعد على جميع السيارات الرياضية والسوبر رياضية رفع العلم الأبيض بشكل دائم عند القيادة

    ولت ايامكم يا الالمان


    مشكور الرد



  4. تسلم على الموضوع أخوي

    وللتوضيح : السيارة نزلت بقير تماتيك فقط ولن تنزل بقير عادي

    وسعرها بعد الاطلاق الرسمي عندنا بيكون بحدود 320 الى 350 الف

    السيارة تم تجربتها وتفوقت على جميع سيارات بورش ماعدا الكاريرا جي تي

    وهالكلام مب من عندي هالكلام من برنامج توب قير ومن مجلة ادموندز ومن برنامج بيست موترينغ وبرنامج كار آند درايف وغيرهم وغيرهم

    وممكن اتييب لنا أرقام الجي تي 2 ( التسارع من 0 للـ 100 وأفضل رقم لها بحلبة نورينبيرغ وأقصى سرعة تصل لها )

    الله يسلمك
    و مشكور عالرد و المعلومات

  5. اووووه شفته من كم من يوم .. اتوقع يوم الأربعاء على ريكيفري .. السياره الحمرا .. شكله عنيف .. بس تظل البورش بورش .. و النيسان نيسان .. لا تتعصبوا بس الأرقام و التاريخ تشهد .. و مع الأيام بتصدقون كلامي .. والى بقول السكاي لاين يروح عن كل انواع البورش … اقوله راجع معلوماتك .. و شوف ال Gt2 .. و تخبر زين ما زين عنه .. و بتعرف ليش البورش نزلت هالموتر ..

    على فكره نيسان نزلت السكاي لاين وسمته Turbo Killer .. يعني قاتل التيربو .. وبالفعل يروح عن التيربو .. بس البورش رد .. و رد سريعا .. ونزل بورش Gt2 .. مب بس يروح عن السكاي لاين .. ما يسويله سالفه .. و بعد ازيدكم .. البورش تيربو بتتغير مكينته و غيره الى الأفضل ( تغييرات بسيطه ) .. على نهاية 2010

    مشكور عالرد

    سويت ربكه فالموضوع

Comments are closed.