السلام عليكم
أنا عضو جديد بالمنتدى ومن السعودية وناوي اجي الامارات انشالله ابي اشتري رنج سبور 2006 او 2007
خليجي ما يكون ماشي اكثر من 50000 ,يا ليت لو تعطوني فكره عامه كم السعر ممكن أحصله؟؟
أنا عضو جديد بالمنتدى ومن السعودية وناوي اجي الامارات انشالله ابي اشتري رنج سبور 2006 او 2007
خليجي ما يكون ماشي اكثر من 50000 ,يا ليت لو تعطوني فكره عامه كم السعر ممكن أحصله؟؟
تحويل من 2006 الى 2010 Arden وش فيه ورشه شغلها حلو ؟؟ بس يكون تجاري
ابي رقم الورشة اذا ممكن
الف شكر على ردك وتجاوبك معاي.. أخذت رقم برستيج وكذا محل وبالنسبة للرنج صدق صعبه أحصل ماشي أقل من 50 الف بس حصلت الي ماشي بال 70 وبحدود 125
راعي الاردن شايفنك من فتره داخل الدوار مستن ههههههههه
اخوي عزيز صعب صعب تلقى رنج 2006 بقيمه 100 الف اقلها 140 وفوق وهذا بعد يكون ماشي 90 الف وفوق
واذا لقيت ارخص اكيد مدعوم وفيه شي
وهذا رقم كراج كربون اند كروم يقدرون يفصلون لك مثل كت اردن 100% او يطلبونه لك اصلي
4 3477 693
كان عندي رقم راعي الكراج بس للاسف ضيعته انته اطلب منهم وبيعطونك الرقم واساله والريال مابيقصر فيك
هلا الغالي اول شي
وصلتني رسالتك عالخاص وعن الآردن كت موتري اصلي من برستيج بوظبي والسعر غالي وايد
وعن الرنج اذا بتحصل مب ماشي وايد يكون سعره اغلى بحكم النظافه
واذا على 100 الف مابتحصل خير شر لا سوبر ولا عادي بتحصل يمكن بعد موديل 2005 وماشي وملعوب بالكيلو متر
وعن آردن 2010 سعره نار نار لان لمبات والشبك الامامي غاليات
وقول كت تجاري بتحصلة اقل شي 35 الف
هذا موتري
والسموحه
الي ابيه بدون سوبر بس يكون خليجي وما مشى وايد
ويكون نظيف
حاط ب بالي والله حدود 100.000
اتصلت على بلاتينيوم ما عندهم Arden 2010
الف شكر على تواصلك
مرحبا بك و حياك في بلدك الثاني
بخصوص الرنج سبورت تبغي بسوبر و لا بدون و انته كم حاط في باللك تدفع
اذا سوبر جارج سعره في المعرض من 140-125 و الاغلب ماشي وايد تقريبا 100 الف و ساير تحصل اقل بس مش متوفرات في كل مكان يبغيلك ادور
انا كنت محصل رنج سبورت خليجي ابيض ماشي 78 الف 2006 في معرض سعره 140
الافضل انك تحصله مال شخص مش معرض لانهم يطلبون في الموتر اكثر من حقه
و بخصوص التحويل لشكل 2010 احسن سعره ممكن تحصله عند تاتينيوم في الشارجه
و شغله فنان 100% و سعره حلو و كله سامان اصلي و يخلص الموتر في يومين او اكثر
و الشي الحلو انه ياخذ الاغراض القديمه
السعر تقريبا حدود 20 الف*
و هذا رقمهم – صبحي 050/5995887 *
و اتمنى اني افاديتك و اي شي ترى حاظرين
و السموحه