السلام عليكم ورحمة الله تعالى وبركاته
شحالكم نفررات عسااكم طيبين 
بصرااحه انا ياي وفتحت هالموضوع من عقب الحال الي وصلت له .!!
لاا يغركم نكنيمي خخخخخ
انا طالب فالسنه الثالثه في جامعة الامارات كلية الاي تي ..
استوالي 3 سنين ادور دواااام ف العين هب محصل .!!
حصلت في الجيش والشرطه بس صباحي وانتوو تعرفون دوام الجامعه هب ثابت من كورس لكورس .. وصعب ارتب دوامي فهالاماكن …
فا قررت اني ادور بارت تاايم حتى لو 4 ساعات فاليوم وحتى لو استلم 5000 فالشهر ماعندي ماانع ..
الحمدلله الوالد هب مقصر ويايه بس الواحد يبا يستقل شويه ويكون له شي يمشيله لين مايتخرج ,, مايستوي كل مابا شي انقز عند الشيبه ادريبه مابيقصررر بس هب حلوه كل مابا شي اروح عنده ..
المهم ,,,
دورت فكل مكاان حتى وصلت لدرجة اني قدمت فالانصاري .!!
قدمت وقالولي تعال نبااا مواطنين وشي شواغر فكل الافرع الي عندنا للمواطنين ,, قدمت وسويت 3 امتحانات و 4 مقابلات جني مقدم لوظيفة مدير فرع .. وبعدها وافقوو عليه عقب مذلة 6 ساعات عندهم ,, ومدير الانصاري وقع ع موافقة تعييني براتب 4500 ودوام 4 ساعات .!!
اخر شي قالولي اتريا بنشوفلك الشواغر وبنرد عليك اخر الاسبوع ,,
اتريت اسبوع اسبوعين محد رد .!!
اتصلت فيهم قالولي والله لين الحينه نتريا الشواغر
واتريت شهرين .!!
محد اتصل .!!
طفرت .!!
موافقين وامتحاناات واخر شي اتريا الشواغر ومحد رد عليه لين الحينه حسيت جني يالس اشحت منهم وهم الا شركة صرافه .!!
ماخليت بنك فالدوله ماقدمت فيه حتى بنك برودا الي فشارع خليفه خخخخخ
طفرررت مليييييت ماعرف شو اسوي ..
لين متى يعني بتم جيه ,, كل مانقدم فمكاان اونه نبا مواطنين واعلانات وحشره واخر شي الوافدين يتوظفوون ف 5 ثواني ونحن مذلة 100 سنه .!!!
ماقلنا نبا مناااصب ولاا نبااا رواتب توصل المليوون ,,
نبااا دوام حالنا حال غيرنا
مادري السموحه منكم بس هذا الي فخاطري ومن الضيجه الي فيني ماعرفت وين اكتب ,,
واسمحولي اذا غثيتكم ولاا تفلسفت عليكم شويه
صااارت الواااظااايف كلهاااا مذله ألحين
اذا الواااحد ماااا حصل وظيفه في بلاااادة يعني يهااااجر
الله يسهل امورك ويرزقك بالوظيفة عليك بالصلاة والدعاء الاستغفار
شو نسوي ياخي هاي حالنا ,,
شكلنا برد الجيش ولاا الشرطه عقب التخرج
بس ياخي الحينه ماقدر ادخل دورات ولعوزه مابقى ع تخرجي الا سنتين مابا اخرب ع عمري صعب واايد .!!
ولاا بدخل ومابتريا حد
الله يعينك اخوي وييسر أمورك
هذا حال الكثير من المواطنين ……
الله المستعان ….
هههههههه
حال الشباب من يوم ماعرفتهم
مردهم الجيش و لا الشرطه
لووول