نزلنا السياره قالوا حجز
ركبنا هيدرز قالوا امسوي ازعاج
ركبنا استيكر عطونا مخالفه
والله ماشئ شغل
انا اباهم يسجنوني اذا سقت بتهور اذا داعست اذا افحط اذا فعلا كنت امسوي ازعاج
لاكن يوم الواحد ماشئ في حاله ويوقفونه ويقولوله موترك عليه صوت هذا حراااااااام ومايستوي
اونه شو نحن شباب مستهترين ونلعب وما ادري شو
والمواتر الي مزوده في الوكاله وصوتها مثل الدبابات عادي ما يقولولهم شي عيل هل الجمسات الي صوتهم ايخوف مكاين 8 او 10 سلندر عادي يحط صوت
والله بس امركزين علي هل الثلاث سيارات استيشن وكلوزر والفتك
حطينا كاتم خالفونا حطينا دايركت بعد خالفونا سوينا نص ونص بعد خالفونا
اونه شو موب وكاله
والله حرااام ارحمونا
الرادار استوي 400 و 500 و 600
المواطنين ما امحصلين شغل
الواحد حر بموتره انا ما قلت يعني بركب صوت ازعاج ازعاج يعني في حدود المعقول
بس زينه موب عسب دعاس او ويلات
انزين ما عليه لو يبون يمشون هل القوانين خل يمشونها علي الاكل موب ناس وناس
والله اذا تعرف حد يمشولك اياها واذا ما تعرف يقولك موووووووووووت
ورمضااااااااااااان بعد وما يرحمون
اذا غلطنا حاسبونا ان معاكم نحن نستاهل
لاكن اذا انا ماشئ بحالي ليش يعني
والله اقص ايدي اذا هو ما عنده موتر مزود
والله احس انهم بس جي
والله مسكين انا ماشي بحالي طالع من بوظبي وساير دبي بسير ارقد
اثاريه امخبر الشرطي الي جدام عسب يوقفني وين وقفني شرطة بوظبي وعلي خط دبي
علي بداية شارع الشيخ زايد
والله نذااااااااااااااااااااااله
عيل اسير اشرب احسن او اسير هل المراقص والديسكوات احسن
شو بقول بس
معني موب راقد من امس بس والله مقهوووووووووور ما سويت شي كيف كذي
انا اشوف شرطة دبي موب كذي
يعني اذا سويت شي صح يخالفونك بس موب مني والدرب
ههههههههههههه
أخوي راعي الموستنغ تراني مقدر شعورك..بخبرك قصة قصيرة صارت معاي مع أحد أفراد شرطة دبي إللي يستغل وظيفته..
في الصباح الباكر طلعت بسيارتي للدوام، وقبل لا اَخذ شارع فرعي تأكدت من خلو الشارع وطلعي وأخذت الخط اليميني وبعدين تفاجأت وأنا طالع إن في موتر ينتقل من خط اليسار (السريع) إلى خط اليمين (البطيئ) بدون إشارة وتفاجأة إن السائق شرطي ودق هرن (ليش ما أعرف!) بعدين شوحلي بيده بما معناه (إنت ماتشوف)!! وبعدين شوحتله بيدي بالنفس الحركة، المهم أخذت لاين اليسار وتوكلت وهو كمل وراح في دريه، المهم عقب كم يوم أجيك على المخالفات أحصل مخالفة (تعرض الأخرين للخطر ودخول الشارع بدون إنتباه وعدم سماع إرشادات الشرطي) وشهر حجز و1800 د غرامة و2 نقاط سوداء….خبرني هذا شو تسميه!!!! عدل!!! أمانة!!! ضمير!!! ولا إستغلال وظيفة أو إنتقــــــــــام!!!!!
حسبيا الله ونعمة الوكيل فيه..
بعدين رحت القيادة وقلتلهم إحجزوا سيارتي ماعندي مشكلة ولكن أبغي أتلاقى مع الشرطي، عطوني فورم وقالولي عبي الفورم وسلمه وعقب شهر بتتحول للنيابة وقصــــــــــــــــــــــــة طويله عريضه، في النهاية هونت وعقيت الموتر في الحجز وفوضت أمري لله.
حبيبي راع الموستنغ .. تراني مقدر شعورك .. وهوايتك مثل هوايتي .. بس ليش حبوب ماتلعب على المضمون .. خذلك سياره محترمه للدوام وحق الخطوط بدون خراويش وتنزيل ودبات .. يعني وكاله .. ولحد بيقولك شي لو تطويها من السلع لشعم .. ويوم إلا راسك فيه هوس تعديل وكستم خذلك موتر غيره رابش وعدل فيه لين ينقع .. إن شالله تقلبه دبابه .. بس خله للويكند . اتلمع وتنشف وتاخذلك لفه ميرا ماتبقي حق( الشو ).. وبعيد عن مغثة المرور .. ومن أتشوف دوريه من بعيد بركن يمين ولا أنخش ورا العماير .. جان تبا تسلم عى موترك .. ياخويه الدنيا الحين تغيرت مب مثل أول .. هـــيـــــــه ايام شل المواتر على تايرين من دوار لدوار .. ولا زماط خط دبي العين .. القوانين أتشددت والأمور تصعبت .. والسبب شي واحد .. مسكو أحصائية الوفيات في الأمارات من 15 سنه لين الحين وتبينلهم أنه 80 بالميه من الوفيات كله بسبة الحوادث المروريه .. والمصيبه أنهم أطلعو كلهم شباب .. يعني شباب مستقبل الوطن وحماته .. واللي بتقوم على سواعدهم اركان الدوله .. هنه وجب على ولاة الأمر والحكومه أنهم يدخلون .. يبون يحمونكم من أنفسكم .. وتم سن القوانين ولو أتشوف أنه صارمه بس ( أدعي عليكم من غلاكم ) .. ياخويه الوفيات عدنا أكثر من أوربا كلها في حوادث الطرق .. فهلهله بعمرك … وهذا الموستنغ هديه من عندي حق الخراش ..
آه لو عندي هاي الشاحنه………. بخطف مليون على الدوريه إلي خالفتك وبقوله خوز يالصغير احترام الكبير واجب
اولا الموضوع خوفني
انا صح رجل شوي كبير وعندي اسره وشكلي مايعطي اني اسوق سياره سبورت
يعني لحيه ومرات امشي بالسياره بغتره بدون عقال بس المخفي مسونه 40% ضد الحراره
بس خوفني شي واحد اني كاتب ورا السراه لاتنسى ذكر الله فخفت قلت بيخالفوني الحين بروح امجعها بس بعدين انتبهت يوم قلت المجروح تذكرت
تذكرت ان المخالفه تقول وجود عوائق في الزجاج الخلفي 
الله يوفقكم
كل مايوقفني شرطي عشان سيارتي لومينا يقولي شكلك ريال كبير ومطوع بعد مايركب حجي ههههه
شو اسوى من ردات حضى المشكله سيارة اخوي وتعب من اقصادها وانا ماعندي سياره فخذتها عنه وكملت اقصادها ولا شو يخليني اسوق لومينا تلقاني على خط ابوظبي دبي امشي 145 فقط ومن ادخل دبي كله مستلمني الرادار على نفس السرعه حتى مال المرور يقولي ياخي كله سرعتك 145 ماشي غير جذي ياخي اسرع ولا خف هههه
والسلام عليكم ورحمة الله
تهادو تحابوا والقناص هدى شوى الريال متضايق السالفه فيها حجز مركبه شهر
الله المستعان
في امان الله