من قبل 15 يوم رحت تايلند انا وكم واحد من اهلي للعلاج وهاذي اول مره اروح فيها هالبلد واللي شفته للحين ما قادر اصدقه!!!!!!!ومن اللي شفته ان هناك 3 اطفال لم يتجاوز الواحد منهم 16 سنه وكل واحد منهم حاط ولا 20 حلق وشي يشبه الخرز الحديد في شفايفه وحواجبه وفي لسانه وشعرهم كنه ظارب شلق فيه!!!! وجاني فضول اسالهم وقلت الهم اهلكم وين قالولي انهم جايين روحهم؟؟؟؟؟؟؟؟ والسالفه الثانيه بخصوص بعض البنات !!!!! كل اربع وثلاث راكبات التكتك وفل ميك اب بدون عبي ولاشيل ولابسات لبس اعوذ بالله ويتمشن ويصارخن على الشباب !!!!! وشبابنا الله يخليهم كل واحد مربي له عضلات ولابس قميص راص ويلووح المبايل ويراكض من سكه لسكه يدور يفر الرقم على حد؟؟؟؟ شو اللي قاعد يصير بالله عليكم وين اهلهم وين التربيه وين الالتزام والاخلاق وين هذا كله!!!!! فيا اخواني هل هذا يجوز؟؟ وارجو من كل واحد او وحده او ولي امر ينتبه لموضوع السفر لهذا البلد………. وطبعا مش الجميع بهاذي الاخلاق والله اني شفت عوائل تستحي تطالعهم من احتشامهم وادبهم لكن الاكثريه الفاسده مغطيه على الوضع اهناك والله يعينا ويعينهم والله يهديهم
انا قول كل واحد عليه بأهله والدنيا بتكون بخير …
امس راد من ماليزيا..
قبل ماتهبط الطياره فمطار بوظبي كل الي كانن لابسات جنز ومترصصات دخلن حمام الطياره لبسن عبي ونقاب!!
انزيين وشو الحل برأيك الحين ……؟؟
عطني حل …..!!!!
ماتت الغيره من قلوب الناس
صدق ماعرف كيف ها الرياييل يمشون ويا حريمهم ..وحريمهم فاصخين الحياء
وهذا مب في بانكوك….حتى عندنا هني في المولات
تجوف ريال لابس غتره وعقال ..ويمشي ويا حرمته وبناته … وطبعا نص الشعر طالع وقصه والعباه خفاش مادري شو يسمونها…ويا ويلك لو تصد تطالع اهله…بيرد عليك بنظره ومعصب وحالته حاله ..ياعمي روح سير استر على اهلك قبل لا تعصب على الناس يوم تطالعك…انا وربعي نضحك ع ها الاشكال يوم نجوفهم الصراحه…صدق الي قال شر البليه ما بضحك وسلامتكم
انا اذكر الصراحه ان في من دول الخليج دوم كنا نتكلم انهم لما يسيرون دول مثل هذه (يعيثون في الارض الفساد)
الحين صدقت ان (الله مايضرب بعصا)
والله العظيم.. ان كانت ويانا عايله اماراتيه وبحكم جواز اماراتي عندهم كان ، عندهم بنت عمرها 18 او اكبر بشوي .
لابسه كت +شعره برع+الثياب الداخليه تنشاف .
نفس البنت شفناها مع عايلتها في شارع العرب بدون شضيله موليه ..وجنه حاطه ليفه فوق راسها .. المشكله ان الام متنقبه.!! ماتركب.
اصل المشاكل هذه ان مثل مايقولون (حريات) ولكن على حساب الدين.
حتى تكرمون المعقدين اللي ماتعرفه انه ريال او حرمه حصلتهم ووووووووووي يلاحقون الشباب علشان الحب وغرام ..
بس الغلط واضح ربعنا غلطانين اذا الله عاطي لكل واحد مخ يفكر في الصح او الخطأ
اللهم لاتبلينا ..