من قبل 15 يوم رحت تايلند انا وكم واحد من اهلي للعلاج وهاذي اول مره اروح فيها هالبلد واللي شفته للحين ما قادر اصدقه!!!!!!!ومن اللي شفته ان هناك 3 اطفال لم يتجاوز الواحد منهم 16 سنه وكل واحد منهم حاط ولا 20 حلق وشي يشبه الخرز الحديد في شفايفه وحواجبه وفي لسانه وشعرهم كنه ظارب شلق فيه!!!! وجاني فضول اسالهم وقلت الهم اهلكم وين قالولي انهم جايين روحهم؟؟؟؟؟؟؟؟ والسالفه الثانيه بخصوص بعض البنات !!!!! كل اربع وثلاث راكبات التكتك وفل ميك اب بدون عبي ولاشيل ولابسات لبس اعوذ بالله ويتمشن ويصارخن على الشباب !!!!! وشبابنا الله يخليهم كل واحد مربي له عضلات ولابس قميص راص ويلووح المبايل ويراكض من سكه لسكه يدور يفر الرقم على حد؟؟؟؟ شو اللي قاعد يصير بالله عليكم وين اهلهم وين التربيه وين الالتزام والاخلاق وين هذا كله!!!!! فيا اخواني هل هذا يجوز؟؟ وارجو من كل واحد او وحده او ولي امر ينتبه لموضوع السفر لهذا البلد………. وطبعا مش الجميع بهاذي الاخلاق والله اني شفت عوائل تستحي تطالعهم من احتشامهم وادبهم لكن الاكثريه الفاسده مغطيه على الوضع اهناك والله يعينا ويعينهم والله يهديهم
انا صار موقف جدامي عمري ما بنساه
انا صار موقف جدامي عمري ما بنساه
اذكر مرة كنا مسافرين وفي المطار اشوف وحده ماشاء الله عليها متحجبة ومتسترة
المصيبة !!!
اول ما اقلعت الطائرة فرت الشيلة والعباه !!!!!!!!!!!!!!!!!
كان اتم مبحلج عيوني ومستغرب من اللي قاعد اشوفه !!!
الامور طيبه
صاحب الموضوع يقصد اماراتين و خليجين
تخيل اب خليجي يالس في بار في الشارع و معاه حرمته و بنته
تخيل الساعه وحده فليل بنات لابسات شلح و عليهم عبايه في سوبرماركت فودلاند
و غبرها من الامور
و عن اهنبه اذا تبغي بدليك على مول بتحصل فيه انقريزيات سكرانات و مدستحات فيه و في رمضان بعد
الحمد الله من استوينا ربونا اهلنا احسن تربيه ولبسنا في بلادنا شرات لبسنا برع
وانا شراتك حصلت وايد من هاي الاشكال
لدرجة موقف صار لي اخر زياره لي في بانكوك
كنت ظاهره من فود لاند وجدامي بنات مواطنات اعرفهم وفي البلاد لبسهم محتشم والبعض منهم مدينات يعني القفزات والجربات والنقاب
المهم وانا ظاهره شاله كيس الاغراض ويا اخوي
وهم ويا اخوهم داشين بدون عبي وبناطلين وحرام لابسات قمصان طوال عن اظلمهم والي لابس اسكرفات والي لابس شيل والي على الجتف
قلت حق اخوي هذيل اعرفهم
فسلمت عليهم وقلتلها ما شاء الله ربكم في البلاد غير وهنيه غير
سبحان مغير الحال من حال لحال
اونهم نزلوا اويهم قلتلهم تستحون مني لا تستحون مني استحوا من الي فوق ومن الكلام الي يالسين تنصحون الناس لو شفتوا بس شعره ظاهره منها
للاسف الشديد صدمه عمري ما توقعتها
الله يهديكم يارب
وروحت
قالي اخوي شو بلاج عليهم
قلت حقه انت ما تشوفهم في البلاد يسون حلقات علم وغيرها وهنيه شوف اشكالهم
شو تباني اقول
انت تعرف اني انسانه صريحه والي في قلبي على لساني والغلط اقول عنه غلط ما احب شي اسمه مجامله
علشان جذيه لا تستغرب اخوي دام بعض الاهالي راضين بالي يسونه عيالهم وعايبنهم شو بنقول نحنا
الله يهديهم ويهدينا ويستر علينا دنيا واخره
ليش سرت بعيد
تعال شوف المراكز التجاريه
يالله نسألك الستر