السلام عليكم ورحمة الله وبركاته
يالربع شو صار في البلاد لاحول ولا قوة
هذي سالفه صارت لى اليوم شخصيا في حلاق معروف وله افرع مقابل الوحدة موول صارت لى شخصيا 
السالفة يالربع كنت اتحلق عند هندي والهندي خربلي التحليقة زعلت ويلست اتهاوش معاه فجأة وان اربعة
هنود ربعه ماسكيني من كل صوب ومثبتيني على الكرسي لاحووووول المصيبة واحد منهم ماسكلي مووس
وعيونه كلها شرار الله سلم واتدخل واحد من عيال البلاد والنعم فيه مسك الى ماسك الموس وفزعلى ولا
كنت يمكن بكون في الطوشه والله انصدمت من الى صار اربعة عنبووووووووووه شو صار شو هاى الحالة
زين الشرطة ماقصرو شلوهم كلهم وعقوهم سجن
يا جماعة انا حبيت اقول عن الى صارلي واحلف بالله ان هذا الشي صارلي يا جماعة تحذرو تحذرو يصير
لكم الي صارلي الله سترها وفزعلى واحد ولا صدق كنت بروح فيها والله يسامح راعي المحل الى مشغل
من هب ودب………..
والله ،، نفــس الشعــور !
أخــوي
” القــلم الحــر ”
صــدقت ،، وتســلم يــارب
ياخوي سيف بن نعمان + uae50000 + السهيلي
أنا أعتبر ردود (بعض) الأعضاء اختبار لنا
لأن بهذه الحالة مابنستغرب لو صابتنا مصيبة ومالقينا حد يوقف معانا
حسبي الله ونعم الوكيل
ويقولون كلنا عيال الإمارات وعيال زايد
رحمة الله عليك يابونا زايد
من أول ما أخوي السهيلي حط هالمشكلة اللي صارت معاه وأنا يوميا أنتظر الردود وأنصدم أكثر وأكثر
ياجماعة أولا لازم كل الأعضاء يثقون ببعض ومايحتاج التشكيك بكلام الغير
وحتى لو كان أخونا السهيلي على خطأ فلازم نسانده وبعدها ننصحة
آآآآآآآآه يالقهر من بعض الردود
والله العظيم أني تارك دوا القولون من شهر والحين وبسبب بعض الردود خذيت لي كم حبة من الدوا
أرجو من الإدارة والمشرفين متابعة الردود
وأرجو منهم إخباري لو كان كلامي هذا كله خطأ ……
الحمد الله ع السلامه اخوي
بس انا استغرب من بعض الردود بدل ماتقولون حمد الله ع السلامه كل واحد يالس يعلق
واحد الله يستر عليه يقول الموضوع المفروض في قسم القصص ليش الريال يالس يقول لنا قصه الله يهداك بس ماتشوفون كل يوم اضراب الهنود ترى مصخوها وامس ع قناة دبي حاطين هنود يتضاربون في سوق السمج عشان درهمين
لاو انت الصادق فلم هندي
زخوني 14 واحد وحاوطوني من كل صوب شوي ونش قو وطيرهم كل واحد بصوب
وسارت عيوني حمر (عصبت)
الحمدلله على سلامتك
ونصيحه
إغلق الموضوع او احذفه
لا يقرونه لهنود ويضحكون علينا
ودام هذي ردود اهل بلادك عليك
وهذي حميتهم
الله يعينك ويعينهم على بعضهم
سلامات