هندي الصراف الالي ( 5دقايق )

السلام عليكم

طبعا بتقولون شو السالفة ( هندي الصراف الالي )

يطولي بأعماركم هذا موقف يتكرر وايد ونمر فيه بشكل شبه يومي

الموقف كالتالي ( هندي يسحب فلوس من مكينة الصراف الالي )

طبعا هو يتبع بعض الخطوات الى ما يخلص

والخطوات كالتالي :

1- يدخل البطاقة ويركز على كل كلمة

2- يطلب استفسار عن الرصيد وينتظر الايصال

3- يطلع الايصال ياخذه ويطلع البطاقة ويتم واقف

4- يقرأ الايصال طبعا لازم واحد من ربعه يكون وياه >>>> اونه خبره يعني بالانجليزي

5- يرد يدخل البطاقة مرة ثانية >>>> انزين ليش طلعتها المرة الاولى ؟

6- يختار الحين سحب نقدي >>>> نقول يله بيحسب وبيروح

7- يقرأ جميع الخيارات تقريبا من 4 الى 5 مرات >>> مع ان الخيارات واضحة (200 , 500 , 700 , 1000 الخ )

8- يختار الملبغ ويتريا اتم العملية >>>>> من حقه

9- تطلع الفلوس >>>> وهني انا طاير من الفرحة اخيرا بسحب

10- ياخذ الملبغ ويتم يعده من 5 الى 8 مرات >>>> طبعا بمساعدة اربيعه الخبره لاتنسونه

11- ياخذ الايصال وطبعا الايصال مكتوب فيه كل شئ كم باقي وكم سحب >>> بس لا توه الناس يا الشويهي

12- طبعا الايصال مب مقنع بالنسبة له فيرد ويدخل البطاقة >>>> زاد الطابور وراي تقريبا الى 6 اشخاص

13- ويطلب استفسار عن الرصيد مرة ثانية >>>> يعني لمزيد من الحيطه

14 ياخذ ال 200 درهم اللي سحبهم ويتم واقف طبعا الين ما يدخلهم في محظفته >>> المكينة في هذه الفترة تتمنى انها لو كانت ثلاجة

15 – واخيرا يا دوووري وبسحب

16 – تطلع لي رسالة قبل لا ادخل البطاقة ( نعتذر ان الخدمة ليست متوفرة على الجهاز حاليا الرجاء الاتصال بأقرب فرع ) >>>>> لا حول ولا قوة الا بالله

طبعا النقطة الاخيرة من سابع المستحيلات ان الهندي يسحب من مكينة غير مكينة تابعه للبنك اللي هو فيه ( خصم الدرهمين مشكلة له )

14 خطوة الين ما يخلص من عملية السحب يستغرق تقريبا 5 دقايق

الله يعينا ويعين المكاين

الله المستعان