السلام عليكم ورحمة الله وبركاته
حبيت استفسر عن الرحلات البحريه سمعت بصراحه كثير عن هالموضوع ولكن مب عارف وين اقدر احجز رحله بحريه
انا من سنه تقريبا رحت مرسى دبي ولقيت يخت مكتوب عليه رحله بحريه لمدة 3 ساعات ب 7000 درهم واظن رواد المرسى شافو اليخت اليخت كان فيه حوض جاكوزي وفيه بعد سكوتر تروم تستخدمه بس 3 ساعات ما بيوحيلك اتسوق السكوتر ولا تيلس في حوض الجاكوزي او يشوف البحر …الخ
الرحلات على سبيل المثال :-
*رحله بحريه مع وجبة غداء او عشاء
*رحله بحريه مثلا من اماره الى اماره
*رحلة صيد
هل هناك سفن او يخوت داخل الدوله متخصصه بهذه الامور رحلات بحريه ؟؟؟
اذ كان الجواب نعم…
يا ريت اللي عنده اي معلومات عن هذا الموضوع انه يفيدنا ويخبرنا كيف يمكن الاتصال بهم وما يبخل علينا بالمعلومات…
لكم جزيل الشكر
اخوكم بو حميــد
والله يا طويل العمر مره رحت دبا قالولي شي عبره حق شيصه والجزر اللي عدالها بس ومحمل صغير مب هاك الزود بس الفجيره الجذب يعداك ما رحت بس ان شاء الله بسال وعالعموم تراه مشروع حلو بس مستغرب ليش مب مستغلينه عدل خاصه في الفجيره
اذ عندك معلومه عن خصب اظن يروحونها من الفجيره ولا انا غلطان ؟
عالعموم حيالله بو عسكور يزاك الله خير وشكرا على الاهتمام
يزاك الله خير الغالي دخلت الموقع ويزاك الله خير بس شفت الاسعار الخياليه بصراحه الغالي اسعارهم وايد غاليه 6300 حق 3 ساعات وايد والله في ماليزيا 5 ساعات 500 درهم بس صح مب شرات هاليخوت بس شي محترم بعد
عالعموم ما قصرت الغالي وشكرا على الاهتمام ^_^
في خور فكان متوفر .. انته سير مينا الصيادين واسال عن اللنش اللي يطلع رحلات .. فيه رحلات مع الاكل ورحلات صيد …
وبالنسبة لبوظبي .. الباخرة شجاع .. عبارة عن مطعم قوم بو لفة من الكاسر للميناء الحر مع وجبة الاكل .. وبالنسبة لرحلات الصيد انا سمعت انه فيه في البحرية يطلعون رحلات خفيفة للصيد بو ساعتين أو ثلاث ساعات واذا حبيت تطلع رحلة طويلة حاظرين فالك طيب …
هلا اخوي في الفجيرة متوفر
اتصل على البداله وقول لهم بخصوص الرحلات هذي
وانا بسئل لك
فالك طيب
اي شي تبغيه
سعيد الكعبي
0507276060
السلام عليكم
طال عمرك يمكن اذا زرت الموقع هذا تحصل عندهم اللي تباه.والسموحه منك
http://www.bluebanana.ae