هل يوجد حجز للارقام في أبوظبي

9 thoughts on “هل يوجد حجز للارقام في أبوظبي”

1. يعني الحين شو الراي احجز الرقم ولا بيروح عني بس دام عندك ورقة حجز تقدر اطالب بحقك ؟

2. بيقولولك حجز لكن لا حجز و لا هم يحزنوون ..

   انا و الله فسنه 2006 كان عندي بعيون و بعته و قلتلهم كم بتحجزولي الرقم قالولي 6 شهور

   و كانت ادق دق تليفونات و تخبر ربيعاتها و يتساسرن مادري عن شو .. == > على نياته

   و الله ما كملت اسبوع انه 10 ايام و ييت عشان احطه على السياره اليديده قالولي الرقم انصرف !!!!

   كييييييييييف انصرف قالو و الله انت اتأخرت !!!

   كيف اتأخرت مب انتوا قلتو 6 شهور عنبو انا 1% من المده ما كملتها (( ادري انه اكثر من 1 % ))

   مني مناك احتشرت عنبو رقمي هذا فيه 3 تسعات و بوظبي ويقولون انسحب ..

   قالت خلاص انسحب و انصرف و الحين محطوط على سياره على ثانيه …

   شوووووووووووه؟؟!! سياره ثانيه

   المهم دشيت على اكبر رتبه عندهم و كان عنده زحمه يلست قلت بس شكلي بفضحه ==> نذل ههه

   قلت له كييف انتو اتشلون الرقم و كيف و كيف و كيف و هاي ورقه الحجز قالي هات الورقه … جيك على الكمبيوتر قالي انت اتأخرت قلت اتأخرت عن شو بالظبط انتو قلتو 6 شهور وبينسحب الرقم و انا ما كملت اسبوع عاد هنيه قفط قالي لا انت مكمل اكثر عن اسبوع بوايد قلت له كم بيوم و لا يومين ؟؟!!

   هاي ورقه تشطيب السياره يعني ما كملت 10 ايام .. باقلي 5 شهور و عشرين يوم …

   و كلهم ضحكوا المهم الحبييب قفط و قالي سر الكاونتر بيصرفولك الرقم .. ما طعت اقوله شي و سرت و صرفولي اياه … و قلت حق البنيه هاااا

   مسرع ما يبتو الرقم من على السياره المصروف عليها الرقم … وحليلها قفطت و تمت ساكته !!!

3. انا ماببيع الرقم ببيع السيارة والرقم ابغية بس مابسجلة الحين اريد احجزة

4. كم الرقم اللي بتبيعه

5. على حد علمي
   انه الرقم ينسحب منك عقب 3 شهور..

Comments are closed.