السلام عليكم ورحمه الله وبركاته
اخواني مشرفين واعضاء المنتدى حبيت اشكركم على المنتدى الطيب والمشاركات الطيبه
لاحظت بعض الناس يعرضون بضايع ويغالون في اسعارها مغالاه غير طبيعيه وانحن في سوق مفتوح والكل حر في ماله
ومن قوانين المنتدى عدم ابخاس البضاعه بالسعر او النوعيه
ولكن نقطتي انه السوق نصيحه وشور ولو حد يعرض شي غالي وانا اعرف وين احصله بسعر احسن انصح الناس اقولهم في المكان الفلاني بيكون بسعر فلاني … بس اكون متاكد من انه نفس النوعيه والجوده او حتى ممكن انه يكون مطابق للمعروض
حمدلله خبرتي فالكمبيوترات زينه والاحظ المعروضات من اكسسوارات الكمبيوتر مثلا.. شي منه ممكن انا انفع الناس واقدر ادليهم من وين اييبونه ارخص … موب اني اخرب على تجار المنتدى بس بعد شوي الزمهم المنافسه بسعر السوق موب كانه محتكر لانه الناس ما يعرفون من وين يشترون هالبضاعه
وحمدلله البيع عالنت مفيد لا اجار ولا عماله ولا اوراق ومعاملات بلديه وعمل وعمال وتفتيشات وغرامات
وليش احصل صاحب محل يبيع ارخص عنكم والله يخليكم لا تقولون يشتري بالجمله لانه ماشالله عندنا ناس يبيعون بالجمله
وسلمتوا
اتمنى فتح مجال المداخلات وتناقش الاسعار بحدود المعرفه وانه محد يفتي بدون مصدر وتوثيق
اتمنى الفكره وصلت واتريا ردود الاعضاء والمشرفين
السلام عليكم ورحمة الله وبركاته
أنا اول بداياتي فالمنتدى كنت أمر بنفس الظروف بس أنا موضوعي اني أوفر البضاعة المطلوبة من الخارج بنسبة عمولة 1% وانتبهوا من النسبة يعني درهم عن كل 100 درهم لأني كنت أبا أفيد الاعضاء من خبرتي فالمجال
أول شي كانوا الاعضاء يشككون في مصداقيتي والنسبة وكنت أتضايق وايد ولكن تعلمت الكثير من فن التعامل مع الزباين من خلال المنتدى الكريم
وبالنسبة للسلعة احب أقول انه مافي زبون ما يعرف سعر السلعة اللي يبا يشتريها ولو بسعر تقريبي لها وهو يوم يشتريها يقول ليش أتعب عمري واروح السوق واشتريها دام في امكانية انها توصلني لباب بيتي
ولكن بعض البائعين طريقة تعاملهم مع الزباين غير حضارية اطلاقا والمندوبين غير مهذبين فالتعامل
وبالنسبة لموضوع يسرقني مواطن انا احب اني أوضح فكرة المشرف واتفق معاه اذا كان يقصد
افيد اخوي المواطن ولو كانت بضاعتة أغلى من السوق بقليل وأكرر بقليل ولا أفيد الوافد لانه ولد دمي ولو بلادي وابغيه يتعلم التجارة وغيره مو أحسن منه
والسموحة عالاطالة وأرجو اني ما جرحت حد
باختصار
نحتاج الى مراقب يهتم فقط بمراقبة الاعضاء التجار ويرشدهم الى مافيه خير وصلاح