هل يجروء السياح و مستخدمي المطارات على الصريخ كما يفعلون في مطاراتنا ؟
الصراحه انا مستغرب … يوم نسافر برع ونشوف العذاب في بعض المطارات و نشوف الاسلوب الغير الحضاري في بعض المطارات عمري ما شفت واااحد من المسافرين او السياح طول لسانة على احد موظفي المطارات ولا مره شفت هالموقف .. مع انه المسافر ينقهر والله تدرون اقسم بالله يخشون جوازي لين ما ادفع بخشيش .. بس والله ما اقدر اعلى صوتي و اصرخ اصلن عيب و يا غريب كون اديب ,,, بس الموقف اللي قهرني في مطار دبي
والله شفت ناس اسيويين في مطار دبي اقسم بالله يصرخون على موظفي المطار و يسبونهم علشان الشنط تاخروا شوي لا وبعد يدخلون المسافر الاسوي داخل المكتب يراضونة …. والله جدام عيني .هذا لو ضاعت شنطته شو بيسوي . و فيه بعض من الاخوان العرب اقول البعض يسبون بكلام استحي اكتبة .ونا واقف اسمعهم عن السير مال الشنط. علشن بس الشنط شوي تاخروا … سؤالي
والله شفت ناس اسيويين في مطار دبي اقسم بالله يصرخون على موظفي المطار و يسبونهم علشان الشنط تاخروا شوي لا وبعد يدخلون المسافر الاسوي داخل المكتب يراضونة …. والله جدام عيني .هذا لو ضاعت شنطته شو بيسوي . و فيه بعض من الاخوان العرب اقول البعض يسبون بكلام استحي اكتبة .ونا واقف اسمعهم عن السير مال الشنط. علشن بس الشنط شوي تاخروا … سؤالي
هل يجرؤ الزائر الآسيوي ان يصرخ في مطار بلدة ؟؟؟ وهل يجرؤ بعض اخواننا العرب الصريخ و السب في مطاراتهم مع انه الفرق في المطارات و الخدمة واضح وضوح الشمس ….. وهل يجرؤ الاوروبي يصرخ في بلدة ..
الرد من عندكم من وين يت الجرأة ؟؟
ولو كنت انا موظف وشفت هذا يصرخ علي بيكون …لي تصرف ثاني
انا اذكر في مطار بانكوك عند الجوازات تقدم امريكي عن الطابور لأن الطابور كان طويل فطلب منه الموظف ان يرجع في الطابور لكن الامريكي اتعفرت عليه وقام يصارخ وكلها ثواني وما اشوف الا خمسه من رجال الامن ماسكينه وباطحينه الارض وطايحيبه ضرب ورفس وسحبوه على الارض لين مكتب الامن
هذا النظام الصحيح
على قولة المثل
سكتناله دخل بحماره
ها لو في بلاد ثانيه جان كهربوه بهالجهاز اللي يكهرب و خلوه يخمس على كبر المطار
الا هنيه الدلع حق اللي يستاهلون نعال على ويوهم << هالجمله قتلها جدام شرطي ( في مغامره من مغامراتي و كانو ساحبيني المخفر و يايبين ابويه و حاله لووول) جان يقولي الشرطي : عييييييييييب هالكلام و عطاني نظره شريره << خخخخخخخخخخ
بخبركم عن المغامره في وقت اخر << كنت داعمه و شارده مع سبق الاصرار و الترصد.. لا يروح بالكم بعيد خخخخخخخخ
على اخر الزمن بنت البلاد يسحبونها في المخافر …و الاسيويين يدلعونهم في المطار
اخص
كلن يغني على ليلاه
على طاري هالموضوع اعرف واحد في مطار دبي يختم الجوازات ياه هندي بس عنده جواز بريطاني وهالهندي دخل في الخط اللي للخليجين والموظف قاله بالهندي روح هناك جان يقول سوري ام نوت انديا ام برتش عاد الهندي عاند قام الموضف وختم على يبهت الهندي وقاله يالله ادخل الحين لو تقدر
ههههههههه
كل واحد يمثل البيئة اللي هو ياي منها ….