في شي بخاطري ابغي اقوله بخصوص زواج كبار السن من اجنبيات بشكل خاص و زواج الشباب من اجنبيات بشكل عام
اخواني الموضوع خطير جدا في نظري و اعتقد هو سبب العادات و المشاكل الاجتماعية الدخيلةعلى الدولة فالمجتمع الاماراتي محافظ
الرجل الكبير في السن لا يفكر سوى في زوجة ذات مهر رخيص
وطبعا هذه الزوجة داخلة على طمع
و لا يفكر في عواقب هذا الزواج و في الابناء
دائما الابناء هم الذين يدفعون الثمن في مثل هذه الزيجات
يتوفى الاب الكبير في السن
و يترك زوجة شابة يصعب عليها تعليم ابناءها لغة و عادات هذا البلد و تعلمهم عاداتها و تقاليدها
السلام عليكم
انا قريت كلام اخوي المرزوقي وحبيت اعلق شويه
انا سرت 5 بيوت عسب اخطب ويوم يسمعون اني موظف وعلى قد حالي مايرضوون
تدروون ليش؟؟
لان البنت تبا ريال غني يشتري لها سياره فور ويل ويشتري لها فيــــلا ويشتري ويشتري ويتسلف
عن البنك عسب يرضيها ويرضي احلامها الورديه وانا ريال موظف وتوني ابدي حياتي ومستقبلي جدامي ان شاء الله
تخيلووو يا اخواني 5 بيووت سرت اخطب وقلت ماباخذ الا بنت بلادي وبس ويوم سرت للخطبه مارضو وعلى ها الحال 5 بيوت وطبعا اللي يبا مهر واايد واللي يبا عرس يوميين واللي يبا مادري شووه واللي تقولي ابا بيت بروحي
واخــر شي اضطريت اسير وازوج من بنت عربيه والحمدلله عايش مرتاح وماحد يطلبني شي ولا بنك يطلبني وبعد احب اعلق على كلام اختيbusiness woman ترا يا الاختي الشي الخطير هوه شي واحد اللي هوه المهر المبالغ به يعني قدرو حاله الشاب اذا كان توه متخرج وبعده ماشتغل او توه مشتغل من وين بييب ها المهر المبالغ والله يوفقك اخوي المرزوقي ويوفق الجميع ان شاء الله
نعم! امريكية! وانت بالذات!
شو السبب اللي دفعك تاخذ امريكية؟
بكل صراحة أجاوب وأقول غلاء المهر وغلاء المعيشة!!!
نعم، لو صبرت حتى أوفر المهر والبيت والمصاريف الباقية، كان لين الحين ما تزوجت!!! الشاب لما يتخرج من الجامعة أول شي يشتغل، وإذا اشتغل، السيارة ضرورية للتنقل بين البيت والعمل. هاذي 100 درهم قرض تردها للمؤسسة خلال 4 سنين! يعني الشاب أول شي يتزوج سيارة وعقب يدور له واسطة عشان يطلع لنفسه بيت وعقب يبغي له 15 سنة يوفر المهر ومصاريف الزواج.
أما الأمريكية مهرها كان 3 أشياء فقط:
1)) فلس واحد فقط
2)) تعليمها قراءة القرآن
3)) ما أترك الصلاة لين أموت
هذه الثلاثة كانت شروط الأمريكية فقط لا غير، والله شاهد على قولي.
في انتظار أي إستفسار آخر……
هاتي ما عندك يا Business Woman
أنا متزوج أمريكية وممكن تستفيدين من تجاربي بس أنا بعدني صغير (مب شيبه)!!!
في انتظار استفساراتك وأسإلتك….
نعم! امريكية! وانت بالذات!
شو السبب اللي دفعك تاخذ امريكية؟
فعلا عواقب وخيمه…….بس ماشي حل…..هم الشواب يتحرون محد يباهم من بنات البلاد …بالعكس اصلن ….ومهرها بيكون اقل …..من الاجنبيه اللي من برع البلاد….لانه هذيج عندها خطه المهر شويه….وعقب تستنزف امواله ….واخر شي ايموت بحسرته ……
بس بنت البلاد …ماتبا شي …ولاتفكر عقب تاخذ من عنده لانها اكيد بتكون تشتغل…..وتعتمد على نفسها…..وبتعطف عليه وبتحن عليه وبتاوي عليه يوم بيمرض…….وحلات الثوب رقعته منه وفيه
شي حريم وايد يبون واحد عود ……عادي عندهم……بس ها الشواب ماعندهم نظر……شنسويبهم بعد
اهم شي الحل…..انا من رايي..وكل حد عنده شيبه يبا ايعرس …يتدخلون بسرعه ايدوروله مواطنه من الفريج اللي عدالهم والا الفريج اللي وراهم …..المهم ……التدخل السريع لحل المشكله
هاتي ما عندك يا Business Woman
أنا متزوج أمريكية وممكن تستفيدين من تجاربي بس أنا بعدني صغير (مب شيبه)!!!
في انتظار استفساراتك وأسإلتك….