السلام عليكم
من باب التغير والخروج عن المواضيع الجدية
وش رايكم كل واحد يخبرنا عن اكثر الأعضاء بالمنتدى الغالي تخيل شكله ولا اوصافة من خلال اسمة بالمنتدى او اسلوبة وطريقتة بطرح مواضيعة
وانا ببداء اول واحد والله يستر على اشتراكي 
بصراحة من بداية تشرفي وانتسابي للمنتدى 
في بالي اثنين من الاخوان وهم اكيد اعضاء لهم محبة وتقدير عند الجميع
اول واحد
اممممممممم
كبير المستثمرين 
بيني وبينكم اتخيلة ماشاءالله مليان ومن اصحاب الاوزان اللي ما ينمزح معها ابدا 
واحس انه دايم جدي ومعصب وما عنده لعب وطويل ومتين
واول ما يدخل المنتدى ايده تشب علية يدور احد يحط حره قومة الصبح فية 
واكثر ما الله عطاه كره لاي واحد يحب يستظرف دمه او يتفلسف فلسفه مالها داعي
<<<<<<< شكله بيضحي فية كبير المستثمرين من طلعه الصبح 
اما العضو الثاني
اخونا المبدع دايما العيماني
وهالشخص مع اني احبه بالله وما بيني وبينة الا معرف خلال المنتدى بس
لكن ماعليه بقول شو تخيلته في بالي 
طبعا احس ان الله ماعطاه طول يعني قصير 
ونحيف بس حبيب وخدوم لأبعد حد 
وكل همه اول ما يدخل المنتدى يحصل حد يبا مساعده ولا برنامج عشان يتلاحق علية بالفزعة كالعاده
باله طوييييييييييييل وصدره وسييييييييييع 
الكل تقريبا يتفق على محبته وغلاته ولا يهنون كل الأعضاء
شعاره (المواضيع مع العيماني غير ) 
وسلامتكم
طبعا متاكد ان الاخوان بيخذون الموضوع بروح رياضية كعادتهم وماراح يوقفون معرفي المتواضع 
الله يستر لا يستلموني 
والدعوه كلها ميانه اخوان على بعض
تحياتي
آآآآه ذبحتوني من الضحك على الصبح و اضحك و اهاوع زين ما زعت سندويج البيض اللي توني كلته << خخخخخخخ انواع لوعة الجبد على الصبح
الموهيم خلوني اشوف النكات و احاول اتخيل…المشكله بو طلال مب قادر يعلق في مخي عشان اتخيله ..لازم اتابع مشاركاته اكثر عشان اتخيله
و الحلوات شايفتنهم قوم فاء و رد روز و سهمي يعني اذا وصفتهم بفضحهم …قوم مرحبا الساع و بركودا كحلنا عيونا بشوفتهم يوم حطو صور اجتماعات المونتدى في الماضي السحيق …
بس دامنكم ماخذين الموضوع بروح رياضيه و محد انصرع علينا لين الحين اظن اروم اكمل
متعني و متصرف اتخيله قصير شوي و كندورته قافطه و متدخل في كل شي و دوم محتشر و يفاتن << مبين من النك
ملون المعاني واحد كاشخ و راقي و لابس نعال باشوتي
بنت السلطان اتخيلها مليانه شوي و متحجبه و ما تحط ميك اب و يمكن تكون لابسه نظاره ..و وايد يعيبها تتفلسف هههههههه
aldooodah قوم بو بناطلين و قمصان و يرمس بسرعه و يتحرك بسرعه
سأعود بعدين .يالسه ادور نكات
هههههههههههههههههههه
يا حليلكم ,,طلعتوا كلكم حلوين وضعاف وعيونكم زرق ,,لا وبعد طيبين ,,مول ما تعصبون
عموما الجمال ,,جمال جمال الروح
اقول لحد يتخيلني بليييز,,لان الوصف دايما متطرف
اللي يكره مواضيعي بيحط فيني حط
واللي يحبني بيعطيني اكثر من ما استحق
ونحن امة الوسطيه
ما شاء الله عليك… شكلك عندك خبرة…
اممممم… انا اتخليك اضعيفة…بيضه…طولك على بعضو 163…
ما اتحبين حد يقطع رمسته… ما بقول عنك عصبيه.. بس بشويش عصبيه…
اتحبين الخير.. واتساعدين غيرك…خبيرة مستحضرات تجميل…
وفي النهاية أخت غالية والنعم فيك
والسموحة… محد ياخذ في خاطره… تراها كلها سوالف في سوالف…
يا عيني عليك… روووووووح يا الحلو ما انرووووم لك
اتخليلك وسط … طولك 173 ووزنك ما 82
… دووووم مطلووووب…
اسمراني… حبوب.. قلبك نظيف (ما اتشل في خاطرك)… بس شكلك مشكلجي
تمشي عكس عقارب الساعة و خصة في السواقه (معاكس القانون)…
بس الصراحة من الناس الخييرين…والنعم فيا خوي القناص
^
^
عطنها كاش وقل ان خوالك لبنانين لا ومن زحلــة بعد
كبيرينا ودي اقول شي بس الخوف حمر بصراحه ما أمن منك باند يحبه قلب عدوي
الحين بنستلم احد ثاني
امممممم
فـاء
ما ازيد على الاخوان شي
كان الله بعونها نحافه + طول فارع
تكشيرة ينحاش منها الذيب بكبره
رسميه اكثر من اللازم حتى بينها وبين نفسها
ياويل اللي تتكلم معه وفجأه تنتبه انه مب مركز معها
alain1111
صحيح انه وزنه متوسط بس الزين ما يكمل اتخيله قصير ويبين قصره اكثر بالكندوره
احلى ما فيه وانت تتكلم معه تحس انه مركز تركيز
بس اخر شي تكتشف ان التركيز عنده مجرد هوايه يعني مركز مركز حتى لو هو مب فاهم وش السالفه 
واحسه وهو يسوق سيارته بس يتلفت يمين يسار حتى لو الشارع فاضي
بس بصراحه احس ان الولد خدوم لأبعد حد وقلبه طيوب
برايفت الى فـــاء
انا بحكم اني صاحب الموضوع عندي حصانه خاصة بشهاده الوالد العم طويل العمر كبير المستثمرين
يعني لا حد يقربني ترى فيه مشروع باند لاي واحد تسول له نفسه يتعرضني بهالموضوع