السلام عليكم
من باب التغير والخروج عن المواضيع الجدية
وش رايكم كل واحد يخبرنا عن اكثر الأعضاء بالمنتدى الغالي تخيل شكله ولا اوصافة من خلال اسمة بالمنتدى او اسلوبة وطريقتة بطرح مواضيعة
وانا ببداء اول واحد والله يستر على اشتراكي 
بصراحة من بداية تشرفي وانتسابي للمنتدى 
في بالي اثنين من الاخوان وهم اكيد اعضاء لهم محبة وتقدير عند الجميع
اول واحد
اممممممممم
كبير المستثمرين 
بيني وبينكم اتخيلة ماشاءالله مليان ومن اصحاب الاوزان اللي ما ينمزح معها ابدا 
واحس انه دايم جدي ومعصب وما عنده لعب وطويل ومتين
واول ما يدخل المنتدى ايده تشب علية يدور احد يحط حره قومة الصبح فية 
واكثر ما الله عطاه كره لاي واحد يحب يستظرف دمه او يتفلسف فلسفه مالها داعي
<<<<<<< شكله بيضحي فية كبير المستثمرين من طلعه الصبح 
اما العضو الثاني
اخونا المبدع دايما العيماني
وهالشخص مع اني احبه بالله وما بيني وبينة الا معرف خلال المنتدى بس
لكن ماعليه بقول شو تخيلته في بالي 
طبعا احس ان الله ماعطاه طول يعني قصير 
ونحيف بس حبيب وخدوم لأبعد حد 
وكل همه اول ما يدخل المنتدى يحصل حد يبا مساعده ولا برنامج عشان يتلاحق علية بالفزعة كالعاده
باله طوييييييييييييل وصدره وسييييييييييع 
الكل تقريبا يتفق على محبته وغلاته ولا يهنون كل الأعضاء
شعاره (المواضيع مع العيماني غير ) 
وسلامتكم
طبعا متاكد ان الاخوان بيخذون الموضوع بروح رياضية كعادتهم وماراح يوقفون معرفي المتواضع 
الله يستر لا يستلموني 
والدعوه كلها ميانه اخوان على بعض
تحياتي
السلام عليكم
الصراحه نفس التخيل اللي كنت اتخيله لكبير المستثمرين
قالوه الشباب
مشكورين على المشاركه
نرجع لمحور الحديث
بسم الله
سهمي عالي
بصراحه مدري ليش اتخيلها صغينونة بالجسم ومب طويلة بس هوايتها العناد
ما يعجبها العجب ولا الصوم برجب على قولتهم تعشق الضد في كل شي وتحب تخالف اي راي صح غلط مب مهم اهم شي تمارس هواية المخالفه بالراي
الطناف
هدو غريب بس محير <<< ابوك يالفلسفه
يسوي الشي من بعيد لبعيد ويسوى عمره مسكين ويكسر الخاطر
مشكلته ومعناته انه يتعقد من المتان عنده داء النحافه بشكل متعوب عليه
Red Rose
اممممم
رسميه لأبعد حد
بعد عقدتها انها نحيفه وفاتحه بيتهم معمل صغير خاص للتجارب اي معلومه ولا وصفه تسمع عنها انها تسمن طياره تطبقها وتجربها بس حظها يكسر الخاطر ما فيه امل
تلبس نظارة طبيه من النظارات العراض دايما كنها مدرسه عربي لا ومركبه حماله للنظاره
كل شي بنظام عندها وحازمة جدا وماعندها يمه ارحمني بأي شي يخص الأتكيت
من الناس اللي ترقد من المغرب
القنــــاص
انواع الفوضه
قصير وكل شي عنده عكس النظام والترتيب يحب الفوضه لحد الثماله
المواعيد عنده اخر شي وسحب عليها وانسى انه يلتزم بأي موعد
حصه و عذاري
مدري اذا شفت هالنك ليش اتذكر مسلسل رقيه وسبيكة
حصه دبه وراعيه مطبخ طبعا بالاكل اللي هو هوايتها الاولى والثانيه بالحياه
عذاري اللي يشوفها يرحمها مسكينه و نحيفه ودايم على نياتها وما تعرف تاخذ حقها بس بالدموع
لي رجعه مع البقيه
وسلامتكم
كــنت أتــريااااج على أحــر من الجمــر !!!!
أكمــلي ،، أكمــلي المسيــره ،، لا اتخليــن حــد !!!!
ليــن توصــلين للــ
” admin ”
ما كانش يومك يا بوعسكووور
اسميها دبي بيبي سوت لك فضيحه بجلاجل
خلاص عيب يا جماعة الخير ريال شيبه واحليله جي تحطون عليه
يلا نسوي جمعيه بربع قرش و نيمع و بناخذله هديه غتره ارماني قوم بو 400 ربيه
الا كم قياس غترتك
بس اهم شي خل السعر عليها ..هاي اهم شي فيها سعرها ..اذا ماعليها سعر راحت الكشخه
افا عليك يا سعيد
اكيد برد عليها دوباي بيبي
بوعسكور يهتم بالغتره وااايد
حتى اللزقه اللي عليها السعر ما يشلها