ابغي رايكم في المكاين الداخليه : خذت بوت عليه ان بورد/ اوت بورد 5.7 ميركروزر
بس البوت بعده ما وصل وفي الطريج بس في كذا شخص خوفني وايد من المكينه وخراباتها
شو رايكم بها المكاين ؟
بس البوت بعده ما وصل وفي الطريج بس في كذا شخص خوفني وايد من المكينه وخراباتها
شو رايكم بها المكاين ؟
شي ثاني ماعليكم امر
وابغي اعرف أروم اركب ها القطعه اليى ورى شرات الي في الصورة لو البوت الي عندي مافيه ووين اروم اركبه
من ناحية المكينة ممكن أهل الخبرة يفيدونك أكثر مني
بس من ناحية القطعة الخلفية ممكن تحصلها عند المصانع المعروفة
بعدين جداف دبي أكثر من مصنع فية ممكن تحصلها عندهم لو ماعندهم ممكن يفصلونها لك
السلام عليكم ورحمة الله وبركاته
عزيزي
اول شي الطراد صغير ما ينفعك الا بين الجزر والخيران والخواهر
المكينه ما عليها كلام لكن تحذر من سيلات الجير اذا تعلقت حبال الجراجير او الخيوط
التسريب ما بيتم الى الداخل من الجير لانه هالنوع هب شرات الجديم بو ربل ركب نزافين اوتوماتيك ابرك للتخلص من اي تسريب وبسرعه
في كل الاحوال اذا لا سمح الله حدث تسريب شغل وتحرك
الصيانه اليوميه مهمه لكن الدوريه للمحرك وزالجير اتمنى ان تكون بانتظام للمحافظة على العمر الافتراضي للطراد والمكاين
……………………..
القطعة المطلوبه اي مصنع ممكن يسويها لك حسب الطلب لكن لاتكبر اكثر من اللازم لانها تاثر على مشي الطراد والوزن الزائد ممكن ياثر على المكينه
اخوي من ناحيت خراب لاتخاف اذا البوت جديد واحذر يدخل ماء البحر داخل يعني شيك بين فتره وفتره وشيك على الفلاتر مثل البترول والهواء بدل دايم على حسب الاستخدام وبعدين الحمد لله عندنا وكالات وايد
تحياتي