السلام عليكم ورحمة الله وبركاته
حبيت اخذ رايكم على هالدراجتيين من ناحية المواصفات والسرعه والتحمل على الشارع وبالصحراء بشو تنصحوني
رابتر 700 موديل 2009
هوندا 700 موديل 2009
عطوني رايكم من ناحية جميع المواصفات وانا اهم شي عندي اكثر دراجة تتحمل على الخط الهوندا او الرابتر
مشكورين يااخواني على ارئكم بس ابا اكثر عدد يفيدني بين الدراجتين
لاني محتار بينهم وفي ناس يقولون الرابتر وفي ناس يقولون الهوندا بس شو الاحسن بنظركم
هوندا فازت برالي الأمارات من ناحية التحمل و السرعة و هاي شي مب غريب على هوندا من وقت 250trx أم ثلاث بس المرغوب و سعر فيه و سامانه متوفر هو الياماها
و هوندا وزن فيها كثير حاول ترفعها ما بتروم عكس رابتر و رأي عندك
ياخوي خذ الرابتر ياماها..افضل بالف مره …
مشكلتنا في الامارات بشكل عام عدم توفر قطع غيار الهوندا واي قطعه تخترب يبالها شهر لين مايطلبونها …
وفالاخير اختيارك
تحياتي
سلامي للجميع
اشكرك على الموضوع يالمنصوري وانا باعتقادي ان الهوندا اقوى من الياماها بس الشباب يفضلون الياماها لان سعرها فيها وقت تبيعها ماتخسر كثير ولانها معروفة .
وانا عندي الرابتر واعتقد ان الهوندا شوي اغلى من الياماها بشوي وفيها ضمان افضل من الياماها اللي مافيها ضمان خذ وروح.
ويعطيكم العافية.
تحياتي
الرابــــــتر احٍسن .. وشكلها احلى عن الهوندا ب وايد ..