هذا حال المواطن الاماراتي

11 thoughts on “هذا حال المواطن الاماراتي”

1. موفق بإذن الله … لك مني أجمل تحية .

2. الحمد لله على كل حال,

   انا لا انكر ان في مجموعة من اخواننا مظلومين ,

   لكن الكثير ممن يتشكى مثل ماقال اخوي العين 999 دلوعين

   لان اي مواطن يذاكر صح ويجتهد في الداراسه ويكمل ثانويه ويحصل فوق ال 90 % تجي المنح من كل مكان

   ولو كمل واجتهد وجاب الشهادات القويه بيحصل الي يريدة, وهذه معروفة عند كل الشباب

   لكن اغلب الشباب يلعب ونسبه يادوب النجاح ونجاح بالدز ويدش اي جامعة بس عسب الشهادة بعدين يحصل الصعوبة في
   الشغل, انا ماريد اعمم بس يكفي اتكالية,

   الدولة ماتقصر ويا اي نابغة مجتهد في وطننا واي شاب بس يجتهد وبيجرب, وهذة تجربة شخصيه والحمد لله كل الي اعرفهم من ربعي الي اجتهدوا حصلوا الي يبونه, والي ما اجتهد تعب , لكن نحنا بعدنا نفكر ان الواسطة هي المفتاح

   الابداع والكتاب والعلم هو المفتاح واي واحد يجرب وبيشوف الدعم الي لو حصلة اي شعب لصار الاول على العالم

   واسمحولي على الاطالة والله يفرج كرب الي سوا الفيدوا , في النهاية مانعرف ضروفة والمسلم يحكم على الظاهر

3. أخوي

   ” bin dubai “

   أعتقد اللي مسوي الفيديو ،، مواطن محروق قلبه ،، ومر في ظروف صعبه !!

   ولي تعليق على بعض الكلمات المذكورة في الفيديو !!

   أولاً ،،صدقني الوافد ،، وبالأخص الهنود ،، في داخلهم قناعه تامه إنهم مهما اشتغلوا واجتهدوا ماراح يطولون ربع اللي يطوله المواطن ،، ولد البــلاد ،، هذا الكلام عن عشرتي مع الهنود في الدوام ..

   ثانياً ،، جذبة إنّه المواطن كسول ،، والوافد هو المجتهد والنشيط وراعي الأفكار ،، هاي انمحت !! لا وجود لها !! خلاص يابــابا !! المواطنين اثبتـوا جدارتهم وقدراتهم في أي مجــال تباه ،، والحمد لله رب العالمين << وهاي فرصه أبشركم إنّه واحد من أخواني الله يحفظه ،، هالشهر نجح في رسالة الدكتوراه ،، دكتوراه في الأمراض الوراثيه

   ثالثاً ،، ياريت لو كل الشباب المواطنين ،، يبدون يتجهون للأشغال اليدويه ،، للأشغال الحرفيه ،، على الأقل بنفتك من العماله الوافده لو بنسبه بسيطه !! ليش دايماً التفكير متجه صوب الشغل المريح ،، والمكتب الغاوي !! والراتب فوق ال 30 ألف ،، مع الامتيازات !! ليش ما تفكرون بإيجابيه أكثر للأعمال البسيطه الثانيه !! << اليوم كنت في ال Festival City ,, وتحديـداً في Toys Are Us ،، وييت بدفع ،، وتفاجأت ببنت مواطنه ،، بصراحه استانست واااايد

   

4. ربما المقطع يروي معاناة مجموعة من المواطنين
   ولكن لا يمثل حال المواطنين بشكل أجمع ..

   ” وهذا اعتراض مني على عنوان المقطع “

   نحن ولله الحمد في حال نحسد عليه ..
   ومن أفضل إلى أفضل ,,
   وفي نفس الوقت ترويج مثل هذي المقاطع في اليوتيوب تنشر وجهات نظر وأحوال لا تعكس إلا احوال فئة قليلة من المجتمع ..

   ولكـــــــــن
   مهما قسى علي الزمن
   ومهما حقي انهضم
   لا يمكن اني اروج لمثل هذي المقاطع واذا بشكي الحال بشكيه في داري وبين اهل بلادي ماله داعي انشره في المواقع العالمية واخلي كل من جافه ياخذ فكره سلبية عن دولتي اللي عيشتني وعززتي وكرمتني

   ” بلادي وإن جارت علي عزيزة ………. وأهلي وإن ضنوا علي كرام “

   شكرا ولد دبي على النقل

   أشكرك جزيل الشكر على هذا الكلام الطيب

   ومشكور بن دبي على النقل
   

5. والله احس شبابنا دلوعين وايد
   ومايتحملون اي كلمه او غلطه عليهم
   انا ياما عانيت واتغربلت … وراجعت وسرت وييت بس بالاخير حققت الي اباه

Comments are closed.