السلام عليكم
اخواني واخواتي، عندي تقريبا مبلغ 100 الف
ابا مشروع مناسب وسهل وما يحتاج له عمال وايد.
علما بأني محصل محل للايجار بجانب مغسلة للسيارات في احد المناطق السكنية في ابوظبي
ياريت لو تكرمونا بأفكاركم عن المشروع المناسب.
ومشكورين وانابانتظار ردودكم.
أنا راي من راي الاخوان
عندك اكثر من اختيار …
1- محل زينة السيارات وتركيب مخفي
2- محل حلاقه
3- محل كوفي + نت
4- محل تنظيف السيارات من الداخل وبوليش من الخارج.
5- محل تيلفونات
6- كفتيريا للوجبات السريعه … ومايبالها شي ( سير اي كفتيريا وقول للهندي الي يشتغل داخل ان عندك كفتيريا وتبا عمال وهو بيبلك ^_* )
7- بقاله
8- محل بيع العاب
بس أنا أفضل انك تسوي كوفي … وتسوي غرف للعب سوني ( بلاي ستيشن )
واهم شي يكون فاكوفي نت ( واير ليس )
واله يوفقك ان شاءالله
السلام عليكم
اذا كانت المغسلة الأقبال عليها كثير …
ممكن اتسوي كوفي مع نيت بيكون مناسب بجنب المغسله اذا كان الموقع ممتاز … وتقدر تسوي حلاق مناسب ..
واتمنى لك التوفيق ياصاحبي
محل زينة السيارات
وتركيب عــــــازل حراري
السلام عليكم
مشكورين عالرد لكن ياريت لو يكون اي شي غير المطاعم، تعرفون المطاعم يباله ناس متخصصين شوي
والسموحة
بالتوفيق ان شاء الله ….
ممكن اتسوي مرطبات للوجبات السريعه ينفع بالقرب من المغسله …
ويستحسن اذا كانت اكلات سريعه محلية مثل
القرص – الخبيص – القيمات – بلاليط – محلا – هريس – عصيد – الى اخره
والسموحه