السلام عليكم ورحمة الله وبركاته..
حبيت استفسر عن اسامي القراجات اللي تقدر تقص وتضبّط لي موتر نيسان موديل 98 على شكل 2008..
لو اي حد عارف شو القطع اللي لازم تتبدل وشو اللي ممكن يتضبط .. وكم تكلف قطع الغيار .. وكم بيكلف الموتر وشغل ايدين راعي الكراج …
ولو حد يعرف اي كراج يسوي هالشي ..ياليت يفيدني …
ومشكورين
هلا اخوي
انا ربيعي توه محول عندهم نيسان 99 لين 2008 كبسوله
اللي اعرفه انا خذ السامان بروحه
فالبداية قلنا بناخذ السامان من سكراب مصبح لكن اسعارهم غالية وايد وتقريبا شرات اليديد
التحويل بيكلفك تقريبا 12 او 11 شامل الصبغة
السامان اشتراه من محل فالعوير يبيهن من البريمي ارخص عن دبي
طبعا هالكلام في النخيل
وفاست يسوي بعد لكن غالي شوي
بسئل وباخذ تفاصيل اكثر وبخبرك
مشكور اخوي …
بس ماخبرتوني ..هل هو اييب السامان ويشتريهن ولا انا اخذهن له … وشو بالعاده يبدّل وشو يقص .. وكم ياخذ على كل هذا ؟
مشكور اخوي عالمعلومات .. وماقصرت
النخيل ما عليه كلام بس لازم كل يوم تمر عليه و تشوف الموتر
حبوب أحسن كاراج للصبغ وتعديل النياسين
هو النخيل في العوير اسم صاحب الكاراج علي
ورقمه 0504666533
عنده هو نيسان 99 مسواي 2006
وشغله حلو الصراحه