نيسان 2010 والمشكله اللي حاصله في هذا الصدد وهي مشكله وحده وهي ارتفاع سعر السياره من قبل الناس اللي حاجزه لغرض بيع العربون
طبعا الواحد فينا بيسير الوكاله عشان يحجز له سياره بيقولوله ماشي عدنا احجز عقب 4 او 5 شهور بتوصل السياره فطبعا الجماعه اللي حاجزه بتحصلهم عارضين سياراتهم في الجرايد والمنتديات المهم من تتصل فيه بيقولك انا حاجز السياره بتوصل عقب اسبوعين واذا بتشتري عني العربون بس 10000 وشي منهم 20000 واذا السياره موجوده عنده زاد علسعره 50000 وفعلا في ناس تدفع اكثر عن المبلغ اللي انا ذكرته؟
بس انا اتمنى من اي شخص يفكر لو لحظه لو اتريت شويه شو بيحصل باخذ السياره بسعرها ومن غير مذله بصراحه مهب سالفه مع التجار يشتري السياره او عشر سيارات ويقول تجاره شو هي التجاره في الموضوع انا من راي تجاره على النفوس اللي ماعندها عقل ولاتفكر.
وشي من الناس الله عاطنه خير ماشي خلاف عنده ومايحب يتريا مب مهم عنده حد يزيد عليه (صح جي تفكريكم)ياجماعه السالفه مب سالفه الفلوس(ليش انا افتح مجال حق التجار يتحكمون فينا) دام الشي اللي اباه موجود وبحصله بس يباله صبر واذا ما عبرناهم صدقوني بيتوهقون في السيارات اللي عندهم وبيبعونها ارخص عن الوكاله.
واحينه في مجال تستورد السياره من السعوديه والا قطر اسعارهم ارخص من عدنا.
خلونا مره وحده بس نتفق على راي واحد مانشتري الا من الوكاله خله اللي دافع عربون يتوهق .
بس وين والا وين والا وين الناس تعودت على …………..؟؟؟؟؟؟؟؟؟؟؟؟؟

47 thoughts on “نيسان 2010 والناس”

  1. سبحان الله

    التبذير ما استوى الا يوم نزل النيسان اليديد

    ما استوى ع اللكزس وغيره من السيارات حديثة النزول

    وفي ناس قالوا حرام زيادة السعر عن الوكالة

    فتاوي في فتاوي تعال واتسمع

    نسوا شي اسمه تجارة

    يعني اللي مب عايبنه السعر لا يذم صاحب الموضوع ويفتي

    خير الوسيلة يروح الوكالة ويحجز له 10

    والنيسان لو طلع سعره او نزل تبقى سياره محبوبة لدى الشباب

    وانتشارها في الدولة أكثر من اي سيارة ثانية والشي هذا واضح ف الشوارع والرمول وفي الثلوج لو عندنا بعد

    شـكــ وبارك الله فيك ـــرا لك … لك مني أجمل تحية .

    اولا انا اقول بعد سبحان الله اذا في ناس تقرا وماتفهم وبعدها عايشه لليوم

    لانه اولا: شو خص التبذير في النيسان نحن نقول اللي يعق ميتين الف زيادة (مجموع مائة الف عند الشراء وغيرها عند البيع)من غير قيمة السيارة(افهم) على الفاضي خلال شهرين يسمونه تبذير لانه مش مجبور (لا يبالها فتوى ولاهم يحزنون بس تبى ناس(تفهم) فقط لا غير.

    ثانيا: وانته تقول (يعني اللي مب عايبنه السعر لا يذم صاحب الموضوع ويفتي)
    ياخي منوه ذم صاحب الموضوع وهذا اصلا موضوع النقاش انا اقول اقرا الموضوع عدل بعدين تعال يعني (افهم واكتب)

    ثالثا: انته تقول(
    والنيسان لو طلع سعره او نزل تبقى سياره محبوبة لدى الشباب
    وانتشارها في الدولة أكثر من اي سيارة ثانية والشي هذا واضح ف الشوارع والرمول وفي الثلوج لو عندنا بعد )
    طبعا انا هنيه ما فهمت شو دخل هذا الشي في الموضوع وبعتبر نفسي ما قريته عشان ما اتوهق

    رابعا: ما يصير تتهجم وتتفلسف بدون حق وانته اصلا ما عرفت الموضوع بعدين تكتب

    جملة شكرا لك مني اجمل,,,,,,,,,الخ

    هب بالطريقه هذي النقاش طولي بعمرك

    والسموحه من الجميع

  2. سبحان الله

    التبذير ما استوى الا يوم نزل النيسان اليديد

    ما استوى ع اللكزس وغيره من السيارات حديثة النزول

    وفي ناس قالوا حرام زيادة السعر عن الوكالة

    فتاوي في فتاوي تعال واتسمع

    نسوا شي اسمه تجارة

    يعني اللي مب عايبنه السعر لا يذم صاحب الموضوع ويفتي

    خير الوسيلة يروح الوكالة ويحجز له 10

    والنيسان لو طلع سعره او نزل تبقى سياره محبوبة لدى الشباب

    وانتشارها في الدولة أكثر من اي سيارة ثانية والشي هذا واضح ف الشوارع والرمول وفي الثلوج لو عندنا بعد

    شـكــ وبارك الله فيك ـــرا لك … لك مني أجمل تحية .

Comments are closed.