مسـاء الخير وصباح النور وظهر العافيه وعصرية الدله المهيلة ومغربيه طق الحنك والسوالف الحلوه

ماعرف للمقدمات فبدخل سيدا في الموضوع

انا طالبه في الجامعه
كنت ادرس برا و توي راجعه الامارات

<لا تقولون وين الهدايا …لاني حملتها مع راعي ونيت .. والنذل ما ربط العفش زين … وطار بالطريق خخخ

المهم اني بكمل دراستي في بوظبي
بس انا تعودت ادرس و اشتغل
و فرص العمل للطلاب صعبه و انا بصراحه ابي اشغل وقتي بشي مفيد
فقررت اني اشارك في اعمال خيريه
و رحت للهلال الاحمر اللي في المرور بس قالي المسؤول ان فيه فرص بس لطلاب المدارس
و الحين قاعده ادور اي مؤسسه خيريه اشارك بالعمل فيها
او شاغر في اي بنك او شركه او مؤسسه
في بوظبي

المهم اني ماقعد في بيتنا الصبح بدون شغله ولا مشغله

مع العلم ان دوامي بعد الظهر
يعني ادور شي الصبح

اللي عنده فكره عن المؤسسات الخيريه في بوظبي
او اللي يعرف اماكن توظف الطلاب بارت تايم

يرد ولا يطرشلي ع الخاص
و مشكورين مقدما

19 thoughts on “نمله فيها قمله”

  1. بالتوفيق اختي وان شاء الله تلقين المطلوب في اقرب وقت ^_^

    مشكور اخوي على مرورك و دعواك الطيبه

Comments are closed.