السلام عليكم ورجمة الله وبركاته
من خلال خبرتي في مجال البيع والشراء في مواقع الانترنت المختلفة واجهتني العديد من المواقف اللي صدق تقهر وتخلي الواحد خاطره يألف فيها موسوعة يسميها ” عجائب وطرائف المتسوقون اونلاين”
ففي الوقت اللي نحصل ونقابل ناس في منتهى الاحترام ومن زود طيب اخلاقهم
خاطرك تعطيهم المنتج ببلاش في نفس الوقت نشوف ناس تلعب وتستعبط .
فمثلا منذ فترة وضعت مزاد في المنتدى على سلعة معينة واستمرت لمدة اسبوع او عشر ايام ولما رست على العضو ” فلان بن علان ” بدأت بمراسلته ولكني لم اجد منه اي رد على رسائلي برغم انه يتواجد يوميا في المنتدى …مما يثير الاستغراب …ليش يا عزيزي الغالي ساهمت بالمزاد وانت غير جاد من الاساس .
ولا الموقف اللي عمري ما بنساه ..لما واحد من الاعضاء شارك بكل حماس في المزاد وبعد يومين راسلته لاكمال اجراءات الدفع والتسليم واعطاني عنوانه ولكن بعد يوم الظاهر غير رايه
فوجدت منه الرد الموضح امامكم ..في الصورة التالية :
يعني بالله عليكم هل نتعامل مع أطفال …!!!
والاخ ” علاااان بن فلااان ” اللي حجز عندي بضاعة لمدة اسبوعين وانا كل يوم اتصله واقوله يا ولد الحلال لو مالك خاطر فيهم قولي عسب اتصرف فيهم وهو يحلف 1000 يمين انه يبغيهن وانه بيطرشلي الحوالة باجر
وباجر اصبح شهر !!
ولما تتصل عليه ما يرد … تتصل عليه من موبايل ثاني يرد !!
ياجماعة الخير اللي مش جاد بالشراء لا يدخل السوف خااااصة المزادات
لانك تظلم البايع وتضيع وقته وتظلم ناس ثانية شاركت في المزاد وكان خاطرهم في السلعة
يعني مادري ليش البعض يتعامل بهالطريقة انا كتاجر ولله الحمد عمري ما عطيت كلمة وكسرت كلمتي او غير رايي لاني انسان اقدر معنى الكلمة وأثمن كلامي زين قبل لا اقوله واللي عنده اي ملاحظة عليي يسعدني اني اسمعها عسب استفيد منها.
والله الناس الي تكلمت عنهم اخجل اني اقول اسامي لان بعضهم له اسمه وموقعه في المنتدى ولكن ماقول غير الله يهديهم ويخليهم يعرفون كيف يثمنون كلامهم قبل لا يتناقزون من مزاد للثاني عبالهم لعبة سكواتش .
والمواقف مع هؤلاء لا تنتهي وسنوافيكم بالتفاصيل حال ورودها .
والسموحة جان زعلت حد .
اخوكم
Mile Of Smile
الله يعينك
انا عن نفسي ما اسوي لهم خواشيق
احجز البضاعه اسبوع واحد و عقب اتواصل معاه اساله يباها ولا لا… وان قال الزبون احجزيها لاسبوع ثاني بعد…اوك احجز له
لكن بعد مرور الاسبوع الثاني ..اتريا يومي يومين وبيع الغرض بدون ما ارجع له…وان رجع لي عقب اقول له اسمح لي اتفاقنا كان لاسبوع زياده مب لاسبوعين….
لا احرق اعصابي ولا شي….اخذ الموضوع ببساطه و ارجع اعرض البضاعه و لا كأنه حصل شي
وانا بسبب هالحركات وقفت عن البيع في المنتدى.
في ناس تعطيك ارقامها على انهم جادين في الشراء ودخول المزادات بس وم تتصل ما يردون عليك ويوم ترسل مسج بعد يطنشونك حتى اعتذار ماشيء.
ومره عرضت بضاعه في المزاد ووصل السعر لمبلغ مناسب وكانت منافسه من احد الاعضاء واحدى الاخوات على البضاعه.
الاخت ارسلت رساله خاصه للعضو تترجاه انه ما يستمر في رفع السعر لانه خاطرها في البضاعه وما تقدر تدفع اكثر من البلغ الي وصلت فيه البضاعه.
العضو ارسلي رساله واعتذر وقال انه خلاص ما بيزايد اكثر عشان خاطر الاخت.
انا بدوري قلت حق الاخت مبروك وانتي الفايزه بالمزاد.
ردت علي الاخت انها خلاص بعد يومين بتدفع وبتاخذ البضاعه.
مر اسبوع وسالتها قالت اصبر بعد اسبوع.!!!
مر شهر سالتها قالت انا اسفه ما اقدر بسبة ظروف.
اشكر تواصلكم وتواجدكم بين صفحاتي
صدق والله حركات يهال …….كنت اتوقع هالحركات اتصير فقط من بين الحريم ترى حتى من بينكم يا رياييل
الله يهديهم انشاء الله
ياجماعه اللي ماله رغبه لا يدخل