(نقاش بنّاء) الزوجة الثانية .. كيف تنظر/تنظرين للموضوع؟

59 thoughts on “(نقاش بنّاء) الزوجة الثانية .. كيف تنظر/تنظرين للموضوع؟”

1. هههههه

   بحور الصمت هدي أعصابج

   والله يا سواح تعبنا من كثر مانرمس عن هالموضوع

   وكل ما اقرى الزوجه الثانية وتعدد الزوجات يرتفع عندي الضغط واعصب بس أيود عمري

   ماعندي تعليق

   بس مستمعه

2. عني انا والله لاسوي المستحيل وما اخليه يعرس

   وان عرس والله لادبة واخليه يطلقها

   يخسي وحدة تي تاخذ ريلي

   بعد ما علمته كل شي تي وحدة زعطوطة وتاخذة تاكل خراها مسودة الويه

   لو كنت ما اروم اييبله عيال ولا شي هي يلتقع يسير يعرس بس انا مب مقصرة وياه في شي يعرس علي

   لازم يعرف انه هذا اليوم الاسود في حياته

   الصراحة مب مستعدة ازيد غيرتي وازيد اهتمامي علشان اخليه يطالعني ويودرها

   مرة ريلي قالي انه ربيعة متزوج 2 هن اللي يراضنة مب هو اللي يرضيهن لو زعل عليهن

   يوم يشوف هذي زعلانه يسير عند الثانية

   والله عجيب بدال ما الاقي ريلي عندي كل الوقت يوم اكون زعلانه ولا مضايقة يذلف عند الثانية

   يعني يدور راحتة من الاخر يوم اكون مستانسة بيي

   يعني من الاخر يوم يحتاي ايي

   والله لاخليها تندم اللي تاخذ ريلي واخليها عبرة لكل وحدة تفكر في ريلي

   فيني غيرة قاتله وبخلي حياتها جحيم

   (رساله حق بنت الم….)

   سمحولي انا مقهورة انتو يالرياييل اللي تفكرون براحتكم

   الحرمة تموت في الدقيقة مليون مرة

   بس انتوا ما تحسون

   وبتم ادعي عليها لين ما تصيبها دعواتي والله لا يهنيها ولا يبارك فيها ولا في هالزوااااج ويعل كل يوم يمر عليهم اسود ما يشوفون فيه الخير

   وحدة مقهورة من الخاطر

3. اولا شكرا اخوي ع الموضوع

   ثانيا انا كحرمة متزوجه وااايد احب ريلي الله يخلي لي ياه ولعياله بس في نفس الوقت ما عندي “”حب التملك””

   يعني اذا هو يبا يتزوج اكيد في سبب
   اما ان زوجه وحده لا تكفيه (في رياييل جي)
   او يبا عيال وايد
   او وهذا الاهم واللي يصير في ايامنا هاي ان الواحد وغصب عنه يقع في الحب!!!!!! اما مع وحده وياه في الدوام او يشوفها في مكان كل يوم او غيره
   وفي ها الحالة انا وافقت ولا ما وافقت خلاص قلب ريلي مب لي

   فيا اني اختار اعيش مع ريال وااايد يحترمني ويقدرني وما يقصر فيني لا انا ولا عيالي (طبعا لان الحب راح للثانية) …. او اني اشيل عيالي واروح بيت ابويه واهدم اسرة واربي العيال على نقص وجود ابوهم في حياتهم

   انا بما اني ما عندي نزعة التملك.. بفكر في مصلحة عيالي واقعد وياه هذا طبعا اذا ما قلل من احترامي وما قصر ويايه

   اللي تقول كيف تقدرين تقولين ها الكلام بوظحلها كيف!!!

   يا حبيبتي الريال يوم يبا يلعب او يوم ان حرمة وحده ما تكفيه او يوم يحب وحده غيرج خلااااااااااااااص اتمين انتي في بيته معززه مكرة بس مثلج مثل وحده من خواته والحب كله لغيرج

   واللي بتقول انا اهون علي اخلي ريلي يتعرف ولا يتزوج ترى انتي يا حبيبتي تضحكين على عمرج!!! متعرف يعني يحب اللي يعرفها وتزوجها ولا ما تزوجها هو وناسته كلها وياها والقلب لها.. فوضحيلي شو اللي ما تبين تتقاسمينه

   ع العموم الله يوم حلل اربع اكيد له حكمة وما في شي منه سبحانه وتعالى الا وله سبب

   تقبلوا مداخلتي

   نفس الراي وعلى فكره لاحظت كل وحده ما تقبلت زواج

   ريلها عليها هي الخاسره ……………..

4. جيه شو قالولك عني خطافة الرياييل

   صدقيني مب كل من توافق تتزوج متزوج تكون خطافة رياييل مثل ماقلتي .. هالنظرة قاصرة من بعض أخواتنا .. التعميم ظلم

5. اذكر مرة اربيعتي قالت لي اذا ريلي بغا يعرس بخطبج انتي

   شو تتوقعون رديت عليها!!!!!!!!!!!!!!!!!
   يلا خمنواااااااا

   
   عن نفسي يهمني أكثر أعرف :
   ليش هيه موافقة على زواجة الثاني؟
   ليش هيه اختارتج ؟
   وليش انتي عارضتي؟ (كما فهمت من الطرح)
   

Comments are closed.