الموضوع جيد
والدين الاسلامي حث على التعدد
يمكن نحل مشاكل وايدة في البلاد
انت ما تلاحظ وجود كم كبير من البنات بدون زواج
والدين الاسلامي حث على التعدد
يمكن نحل مشاكل وايدة في البلاد
انت ما تلاحظ وجود كم كبير من البنات بدون زواج
صحيح انه هناك الكثير من البنات بدون زواج
ولكن توجد احصائيه لتعداد السكان في الدوله
بعدد الفتيات والذي يقارب عدد الشباب في الدوله وهذ ما سمعته في الاذاعه
ولكن للاسف الشباب (ولن أعمم) يفضلون الزواج بغير
بنت البلاد ؟؟ وهذا موضوع اخر شائك للاسف
وما نبا نتعمق فيه لحساسيته
وانا لا اتحيز لجنسيه على حساب الاخري ولكن
الجميع لهم كل الاحترام والتقدير
ولكن هناك مصلحه عامه
يجب ان نضعها في الاعتبار وهي التركيبه السكانيه..اللي محد مراعيلها
وبناء الاسره الاماراتيه الاصيله
موضوع رائع ونقاش هادف بارك الله فيكم جميعا
تسلم اخوي والله يعطيك العافيه
اولا شكرا اخوي ع الموضوع
ثانيا انا كحرمة متزوجه وااايد احب ريلي الله يخلي لي ياه ولعياله بس في نفس الوقت ما عندي “”حب التملك””
يعني اذا هو يبا يتزوج اكيد في سبب
اما ان زوجه وحده لا تكفيه (في رياييل جي)
او يبا عيال وايد
او وهذا الاهم واللي يصير في ايامنا هاي ان الواحد وغصب عنه يقع في الحب!!!!!! اما مع وحده وياه في الدوام او يشوفها في مكان كل يوم او غيره
وفي ها الحالة انا وافقت ولا ما وافقت خلاص قلب ريلي مب لي
فيا اني اختار اعيش مع ريال وااايد يحترمني ويقدرني وما يقصر فيني لا انا ولا عيالي (طبعا لان الحب راح للثانية) …. او اني اشيل عيالي واروح بيت ابويه واهدم اسرة واربي العيال على نقص وجود ابوهم في حياتهم
انا بما اني ما عندي نزعة التملك.. بفكر في مصلحة عيالي واقعد وياه هذا طبعا اذا ما قلل من احترامي وما قصر ويايه
اللي تقول كيف تقدرين تقولين ها الكلام بوظحلها كيف!!!
يا حبيبتي الريال يوم يبا يلعب او يوم ان حرمة وحده ما تكفيه او يوم يحب وحده غيرج خلااااااااااااااص اتمين انتي في بيته معززه مكرة بس مثلج مثل وحده من خواته والحب كله لغيرج
واللي بتقول انا اهون علي اخلي ريلي يتعرف ولا يتزوج ترى انتي يا حبيبتي تضحكين على عمرج!!! متعرف يعني يحب اللي يعرفها وتزوجها ولا ما تزوجها هو وناسته كلها وياها والقلب لها.. فوضحيلي شو اللي ما تبين تتقاسمينه
ع العموم الله يوم حلل اربع اكيد له حكمة وما في شي منه سبحانه وتعالى الا وله سبب
تقبلوا مداخلتي
عفوا يا اخت ظبيانيه ، ترى زواج الرجل من المرأه بعد جهاد ، والريال ميت ميت في الحالتين
ههههه، صدقت، عالزمن 26 عانس و تعرف تسوي بيض بو عيون بس…. طبعا تاكله مثل المالح!!!
على تفكير الشواب 26 تعتبر عانس، لكن لا يغرك أكثر الشباب من ربعي لين الحين يدورون 21 و تحت، الله يكون في عونهم.
بااااي
انزين و العيال؟؟
بتكلم عن وحده اعرفها مثلا ….البنت متعقده نفسيا بشكل مب طبيعي و ما بدخل في التفاصيل عشان ما اغتابها
السبب: ابوها بعد عشره طويله ويا امها سار عرس و خذ حرمه من بلد عربيه …الام طبعا تخبلت و قامت تظهر قهرها في عيالها من ضرب و من تكسير الاغراض في البيت و كلام جارح الخ الخ الخ …طبعا اخر شي الحرمه الثانيه سوت طاف للريال ..ردت بلادها و طلبت الطلاق عقب ما هفت كمن الف من عنده
النتيجه : عيالهم اللي ظهر منحرف و اللي ظهر متعقد ..و اللي سار يدور الحنان مكان ثاني ..و اللي فقدت ثقتها في الرياييل و قررت اتم بدون عرس للابد
بأختصار
الام: انكسر فيها شي ما بيتصلح
الاب: استمتع شوي و عقب رجع يجر اذيال الخيبه
العيال : ضاعو << فعلا ضاعو نفسيا الصغار و الكبار ..صدق شي محزن
بس عموما انا مب ضد التعدد بشكل قاطع …لكن الموضوع غالبا ينتهي بشكل مأساوي