السلام عليكم ورحمة الله وبركاته
وشحالكم ياعرب .. إن شاء تكونوا بخير و مرتاحين ..
حبيت أخبركم عن تجربتي بيوم الأمس ..
في نادي كراكال للرماية .. بقلب نادي الضباط في العاصمة أبو ظبي …
طبعاً كراكال … هو إسم السلاح .. ( المسدس ) المصنوع في دولة الإمارات العربية المتحدة … وهذه صورته 
ومسميين النادي على إسمه …
كانوا حاطين إعلان بجريدة الإتحاد من كم يوم ..
وبالصدفة حد من هناك … اتصل فيني بخصوص عقار .. وشغل …
والحديث جــر بعضه .. و .. وو .. دعاني للنادي .. و … وبما أني من محبي الرماية
و بطبيعة الحال .. أنا >> 
.
.
وخصوصاً بالأسلحة النارية …. >> يا خطــــــــير .
.. رحت بيوم أمس ..
المكان ماشاء الله ترتيب عالآخر … وتعامل ..رائع ..
فيه مدربين … ومدربات .. والمشاركة متاحة للرجال والنساء …
أول شي بالإستقبال .. يتم التسجيل .. كزائر أو كمشترك ..
ويتم تسليم سماعة للرأس .. مخمدة للصوت .. مثل هذه 
ويسمحوا بالدخول للميدان …
وهناك
غرفة إنتظار .. مطلة على ميدان الرماية .. بس معزولة الصوت ..
وهناك طااااخ .. بف … بف … طاااخ … طوووخ …
بح بح >> هذه ولا شي .. أصلي بكح .. 
هناك الرماة .. .. وكل رامي ومعه مدرب .. يعطيه تعليمات أو يشجعه : أحسنت – wooow – Good – bravoo 
طبعاً أنا إخترت الرمي بالمسدس ..
وطلبت 25 طلقة .. و 
وإبتديت … طاااااخ … طاخخخ … …
لين ماخلصت … مع بعض التعليمات من المدرب الأبضاي .. ..
وبعد ما خلصت .. حصلت على النتيجة … وصورتها لكم ..
أول عشر طلقات رميتها … كانت النتائج … 
بعدين تحكمت أكثر بالمسدس .. و صوَبت ..وكانت النتيجة .. 
و … 
بس بصراحة متعة حلوة للي عندهم هواية بالرماية …
والمعذرة عالإطالة …
ونهاية أسبوع سعيدة وجمعة مباركة عالجميع .. 
رمايتك رائعة من أول مرة تستخدم فيها المسدس يعني كذا محاوله ونلقاك صايب الهدف بالقلب.
بخصوص صغار المستثمرين ممكن يشاركون في الهجوم العشوائي على الأهداف ولا مالهم بالطيب نصيب يامستثمرنا عواد..
بخصوص المسدس شو رايك فيه ، وهل سهل اقتنائه ؟
اخوي عواد
هذه هوايتي المفضله
وشاركت في كثير من البطولات
الرمايه لها شروط لتحقيق افضل نتيجه وتراها سهله جدا
ولكني بعدي ماجربت المسدس كراكال
مسموح الإشتراك للجميع
بدون شروط .. وبدون رسوم ..
بس بعد الرمي ..تدفع الحساب ..
وحياك الله يا حبوب ..
الله يخليك يا شاعرتنا ويحفظك .. شعر مضبوط .. وعالقافية .. ويعطيك العافية ..
والمسدس الصراحة
مواصفات ممتازة .. وزن خفيف .. وتقنية عالية ..
تسلمي ونورتي .. الموضوع .. وتحية .. لك ..
أنا ما سألت الصراحة .. بس أغلب اللي شفته .. مسدس كراكال ..
ممكن نسألهم لاحقاً …
والعفو .. وشكراً لمشاركتك ..