السلام عليكم ورحمة الله وبركاته
شحالكم كلن بحاله
في هذا الموضوع بيكون مفتوح من بعد التداول لين وقت التداول مره ثانية
فكرة هذا الموضوع هو مناقشة ما صار في التداول والاستفسارات الي انتوا تبغونها
يعني بيكون شرات الميلس لنا نتناقش بكل شي نباه يخص الاسهم وخاصه في الي صار في صفحة التداول
وان شاء الله بيكون موضوع مفيد لنا يميع وبنشوف المحللين يدخلون اي وقت ويردون على استفساراتنا
فاتمنى فكرة الموضوع بشكل عام تعيبكم وبشكل خاص تفيدكم المناقشات
والسموحه منكم
ويا الله نبدأ من الحين لحد يوم السبت فليل وقت ما يفتح موضوع التداول
والسلام ختام
اختكم
بنت الأمارات
دربك اخضر
توصلين بالسلااااااامه
سير والقلب داعي لك
مساء الخيرات شحالكم
قلت اسلم عليكم قبل ما اسير
وان شاء الله اشوفكم بالسبت لو ربي كتب لنا عمر
ومبروك الارتفاعات الي صارت
ما توصون على حايه اماره من الفجيره
ما يردكم شي امره الي اقدر عليه بيبلكم اياه
من تداولات اليوم يبين انه في صعود قوي قبل الشهر الفضيل
حياك الله اخوي انجينير
والله يسامحك يبالي وقت لي ما القط من مشاركاتك رغم انها مشاركات دسمه وكلام ذهب…..ما بقولك ليش لان العارف لا يعرف .
استاذنكم اخواني ولنا رجعه عقب صلاة العصر باذن الله .
يليت حد ينزل رابط الموضوع في المواضيع الاخرى لان هاللمه ضروريه جدا وتخلينا ندش السوق واحنا بخلفيه سليمه واراء متقاربه .
دمتم بود .