السلام عليكم ورحمة الله يانواخذة المنتدى
حبيت اخبركم انه اليوم تم تركيب الجهاز الجديد على طرادي
والذي تم الزام جميع قوارب ابوظبي نزهه وصيد بتركيبه ولا حد يسألني متى طلع القرار لاني انا ما اعرف بس زين اني لحقة وركبته لانه من بكره بيكون سعره حسب افادة المسؤولين بوزارة المواصلات 12000الف درهم يعنى عندك ماشوه 1500 ومكينه خربانه بتركبه يعني بتركبه.
الموصفات
ومواصفات الجهاز هو كمبيوتر بحجم دلة القوه يركب اسفل الكبينه في مكان محمي من الماء ويوصل على كهربة الطراد وله اريل طويل (حاسب بس من الجسور والطيور )
وظيفته يحدد موقع الطراد وتحركاته للشرطه في حال حدوث اي مشكله ، يعني تطلع من ابوظبي رايح تحدق يين اليوم عندهم منوه راح الحداق منوه راح يشخط منوه راح يغوص منوه راح الاشياب الله يعينه ومنوه قايل للجماعه انا رايح البحر وهو مش رايح البحر الله المستعان 
، واسمحولي ما خبرتكم من قبل كنا راقدين وزين لحقنا عمرنا.
وهذ صيد الاسبوع قبل الجهاز طبعا
انا سمعت انه تركيب الجهاز حق المواطنين بس .. مادري صحيح ولا لا ؟؟ الاخوان يفيدونا
انا سمعت انه فيه زحمة وايد عليهم ….
حد عنده خبر عن شو صار في الموضوع و لين متى بيتمون ايركبونه في خفر السواحل
انا سمعت ان في زحمة عليهم
صحيح الكلام
أخوي انا اللي سمعته في بوظبي ما يركبون الجهاز وهو واقف على القالوصة لازم يكون في البحر هذا شي … الشي الثاني هذا رقم خفر السواحل في بوظبي 026731415 كلمهم واسأل عن رقم الخفر في المرفأ أو المنطقة الغربية …
انا طرادي بلمرفا ووموقفنا فوق علجالوصة
والي اعرفه انهم هلاسبوع بيكونون متواجدين في المرفا يركبون للخلق ..
لاكن مادري اذا بيركبونه لي وهو على الجالوصة ولى لاا…
لانه الصراحة مربط الطراد يباله ترتيب ..
واذا في حد منكم يرروم يفيدني برقم شرطة خفر السواحل بلمرفاء ..بكون شاكرله
وسلامتكم