السلام عليكم ورحمة الله يانواخذة المنتدى
حبيت اخبركم انه اليوم تم تركيب الجهاز الجديد على طرادي
والذي تم الزام جميع قوارب ابوظبي نزهه وصيد بتركيبه ولا حد يسألني متى طلع القرار لاني انا ما اعرف بس زين اني لحقة وركبته لانه من بكره بيكون سعره حسب افادة المسؤولين بوزارة المواصلات 12000الف درهم يعنى عندك ماشوه 1500 ومكينه خربانه بتركبه يعني بتركبه.
الموصفات
ومواصفات الجهاز هو كمبيوتر بحجم دلة القوه يركب اسفل الكبينه في مكان محمي من الماء ويوصل على كهربة الطراد وله اريل طويل (حاسب بس من الجسور والطيور )
وظيفته يحدد موقع الطراد وتحركاته للشرطه في حال حدوث اي مشكله ، يعني تطلع من ابوظبي رايح تحدق يين اليوم عندهم منوه راح الحداق منوه راح يشخط منوه راح يغوص منوه راح الاشياب الله يعينه ومنوه قايل للجماعه انا رايح البحر وهو مش رايح البحر الله المستعان 
، واسمحولي ما خبرتكم من قبل كنا راقدين وزين لحقنا عمرنا.
وهذ صيد الاسبوع قبل الجهاز طبعا
اها بس ياخوي هم احنا بالكويت طراد عندنا فيه ملكيه او لازم ناخذه من الامارات هم فيه ملكيه ولا مايدش الكويت !
ياجماعه ابي قلف كرافت 31 دولفين من موديل 98 لي موديل 2006 بسعر معقول حتى لو يصل 60000 درهم بس شرط النظافه بالمحركات او القرف او يكون معاه قالوصه
بس القوارب اللي في الاماراتو اللي عليها ملكية,,,,,,,,,
واحد من ربعي اليوم ركب الجهاز و زين لحق على عمره من وقت لأنه استوت زحمة عندهم و لازم الطراد يكون في البحر و يصورون الطراد بعد التركيب.
السلام عليكم و الرحمه …
الحمدالله انا اليوم ركبت الجهاز … في بوظبي و باجر اخير يوم في بوظبي و من اسيوع الياي بيبدون تركيب في الشويهات على معتفد … ؟؟
الي يبا يلحق اليوم يوقف طراده في المينا عسب يمكن يكون ضباب باجر الصبح .. و باجر يصلي الفجر عندهم .. وعلى طول يعطيهم الملكيه ..
و للعلم لازم يكون رقم الطراد واضح .. و الي مب حاط رقم يحط .. و لا ما بركبوله الجهاز
اليوم ردو كم واحد …؟؟؟
اسف على التكرار يا اخون بس جهازي كان معلق
السلام عليكم ياجماعه افيدونا جزاكم الله خير هل هذا الجهاز لازم يركب على القوارب اللي يتم شحنها للكويت يعني كل القوارب ولا بس بالامارات