السلام عليكم ورحمة الله يانواخذة المنتدى
حبيت اخبركم انه اليوم تم تركيب الجهاز الجديد على طرادي
والذي تم الزام جميع قوارب ابوظبي نزهه وصيد بتركيبه ولا حد يسألني متى طلع القرار لاني انا ما اعرف بس زين اني لحقة وركبته لانه من بكره بيكون سعره حسب افادة المسؤولين بوزارة المواصلات 12000الف درهم يعنى عندك ماشوه 1500 ومكينه خربانه بتركبه يعني بتركبه.
الموصفات
ومواصفات الجهاز هو كمبيوتر بحجم دلة القوه يركب اسفل الكبينه في مكان محمي من الماء ويوصل على كهربة الطراد وله اريل طويل (حاسب بس من الجسور والطيور )
وظيفته يحدد موقع الطراد وتحركاته للشرطه في حال حدوث اي مشكله ، يعني تطلع من ابوظبي رايح تحدق يين اليوم عندهم منوه راح الحداق منوه راح يشخط منوه راح يغوص منوه راح الاشياب الله يعينه ومنوه قايل للجماعه انا رايح البحر وهو مش رايح البحر الله المستعان 
، واسمحولي ما خبرتكم من قبل كنا راقدين وزين لحقنا عمرنا.
وهذ صيد الاسبوع قبل الجهاز طبعا
تسلم،،،،،،،،،،،،،
على حسب المعلومات الأخيرة: التركيب في ابوظبي لين يوم الخميس، و بعدين ينتقلون الى السلع،، و بالنسبة للثمن، غير مضمون عكس المقولة اليوم بفلوس باكر ببلاش،،،،،،
اليوم ببلاش باكر بفلوس……..
و لو المسألة ما فيها ان: ليش ما صرحوا رسميا في الصحف……..؟؟؟؟
حتى موظفين وزراة المواصلات مب عارفين شو السالفة…!!!
و اللي عنده طراد يلحق عمره
و يسلم ذيبنا على المعلومات………….
اخواني الجهاز بالمجان وانا مركبنه اليوم في الميناء الحر
ومستحيل يركب لناس بفلوس وناس بالمجان ،،،،
الإشاعة طالعه عشان الكل يركب بسرعة ،،،
لا يكون نفس الي يركبونه في الطيارات و السف الكبيره علشان يلقطها الرادار، بس هذاك يبث معلومات الجهاز كامله، و لازم يكون في الطراد لا سلكي علشان يكون علي أتصال بخفر السواحل و برجهم علي طول
ماريد افيد حد ب 12000 بس بستوي حرام اشوف احسلي..
فيها قص ارقاب ماضني, بس سجن يمكن ان مسكوني ..
الله المستعان يا جماعة … انزين على الأقل ليش ما يخبرون البشر ؟!!!! شو الحين يعني اللي ما يركبه وتزخه دورية تخالفه ولا كيف ؟؟؟ ولو بغينا نركبه وين انسير ؟؟؟