طالب منكم المشوره… أنا خاطري أشتريلي تيلفون بس محتاااار الصراحه…
حاليا أملك السفاير والسروكو اللي قبله ودوم كنت على هالموال… مليت منهم الصراحه…
أبا شي يكون فنان عملي إرسال قوي وبلوتوث قوي وكيمره ويكون بنفس الوقت راقي شوي…
أنا قبل كم يوم قلت خلاص أشد حالي عالبلاك بيري بولد…
وعاد بعد ماقتنعت فيه… المشكله الأولى… حجمه… قلنا ماعليه بتغاضا.. المشكله الثانيه… المحلات اللي أتعامل معاها ماتيب هالتيلفون في حال بغيت أبدل السفاير بالبولد لانه الاتصالات ودو وسيليركوم اضن بس محتكرينهم… يعني قوم المحرك الذهبي والجماعه ماعندهم… وقلنا هم ماعليه… الحين اربيعي توه خبرني أنه اذا سافرت برع البلاد ماتروم اتحط بطاقه ثانيه فيه يعني لازم بداخله اتصالات يعني مايصير لا فودا فون ولا ليبرا والجماعه… عاد اهني قلت بس خلاص انسدت بويهي!!!!! صح الكلام؟
الحين توه عالصبح تميت احوس احوس بالنت… ماحصلت غير Samsung i8510 Innov8 دش بخاطري!!!
طبعا كل شي تتخيلونه بداخل هالتيلفون… وكيمرته 8 ميغا… فيه وايرلس وكل هالامور وبالنت المنتديات الاجنبيه كلهم يتمدحونه…
بس الحين المشكله مافي حد من ربعي حط ايده على هالتيلفون عشان نشاوره… مادري هل التيلفون زين… هل عود وايد يعلق ول من هالكلام؟ يعني تنصحوني فيه؟ واللي عنده اياه يخبرني رايه
أنا اشوف حاليا السامسونج هذا اللي ماخذ الصداره من ناحية المواصفات…
في نوكيا بعد عيبني لكن اكتشفت انه بينزلونه في 2009…. يمكن شهر اربع او سته… يعني بعده مطول… حلو بس مواصفات شوي اقل عن السامسونق…. اسمه نوكيا N97
بغيت النصيحه والمشوره منكم… وانشاءالله ارسي على بر هالمره اذا شي دش بخاطري عشان اخذه اليوم 
لجميع الأعضاء اللي تفاعلو معااااي… أقتراحات حلوه وصور أحلى الصراحه……….. والنوكيا اللي يشبه الآيفون طر الصراحه وحلو لانه فيه كيبورد….
بس على قولة الأعضاء خلك على مينونك لا إييك أين عنه من هالتيلفونات ههههههههه…
والله أمس حادر أكسيوم وأتطالعت السوني 905… والسامسونق… يعني ها ماقتنعت وايد…
الأكس ون سامع بعد انه فيه شوية مشاكل… اصلا كل التيلفونات فيها مشاكل الصراحه ههههههههه ول شو الراي؟
البلاك بيري امس يلست مع ريال عنده اياه… قالي حلوه انا استانس عليها بس نصيحه لاتاخذ خاصه اذا ماكنت من الناس اللي يحبون حركات انك تكون اونلاين وهالموضوع…
فقررنا… انه نتريا النوكيا الابيضضضض هههههههه… لانه الصراحه انا ابا كي بورد… ماحب اكتب عالتج عباله لانه كان عندي اي فون ومارتحت…. ول شو الراي؟ عاد متى بينزل مايندرى واحسه مطول الصراحه……….
سوني اريكسون
x1
روووووووووعه