طالب منكم المشوره… أنا خاطري أشتريلي تيلفون بس محتاااار الصراحه…
حاليا أملك السفاير والسروكو اللي قبله ودوم كنت على هالموال… مليت منهم الصراحه…
أبا شي يكون فنان عملي إرسال قوي وبلوتوث قوي وكيمره ويكون بنفس الوقت راقي شوي…
أنا قبل كم يوم قلت خلاص أشد حالي عالبلاك بيري بولد…
وعاد بعد ماقتنعت فيه… المشكله الأولى… حجمه… قلنا ماعليه بتغاضا.. المشكله الثانيه… المحلات اللي أتعامل معاها ماتيب هالتيلفون في حال بغيت أبدل السفاير بالبولد لانه الاتصالات ودو وسيليركوم اضن بس محتكرينهم… يعني قوم المحرك الذهبي والجماعه ماعندهم… وقلنا هم ماعليه… الحين اربيعي توه خبرني أنه اذا سافرت برع البلاد ماتروم اتحط بطاقه ثانيه فيه يعني لازم بداخله اتصالات يعني مايصير لا فودا فون ولا ليبرا والجماعه… عاد اهني قلت بس خلاص انسدت بويهي!!!!! صح الكلام؟
الحين توه عالصبح تميت احوس احوس بالنت… ماحصلت غير Samsung i8510 Innov8 دش بخاطري!!!
طبعا كل شي تتخيلونه بداخل هالتيلفون… وكيمرته 8 ميغا… فيه وايرلس وكل هالامور وبالنت المنتديات الاجنبيه كلهم يتمدحونه…
بس الحين المشكله مافي حد من ربعي حط ايده على هالتيلفون عشان نشاوره… مادري هل التيلفون زين… هل عود وايد يعلق ول من هالكلام؟ يعني تنصحوني فيه؟ واللي عنده اياه يخبرني رايه
أنا اشوف حاليا السامسونج هذا اللي ماخذ الصداره من ناحية المواصفات…
في نوكيا بعد عيبني لكن اكتشفت انه بينزلونه في 2009…. يمكن شهر اربع او سته… يعني بعده مطول… حلو بس مواصفات شوي اقل عن السامسونق…. اسمه نوكيا N97
بغيت النصيحه والمشوره منكم… وانشاءالله ارسي على بر هالمره اذا شي دش بخاطري عشان اخذه اليوم 
السماعه اللي تيي معاه نفس مالت الميوزيك بو اثنين .. انا ما استخدم السماعه .. اعتقد سماعته متوفره ما سألت عنها .. وعلى العموم تقدر تقص صوب واحد من السماعه
هلا أخوي…. البلاك بيري بولد له سماعه مثل النوكيا… لانه المشكله اللي اعاني بالسفاير انه ماعنده سماعه عاديه كله مال الميوزيك اللي بو اثنين وبنفس الوقت تتكلم فيه… وسماعة البلوتوث ماتعيبني…
فا شو الحال في البلاك بيري؟
وفي حد من الاخوان يفيدني اذا بالمحلات اللي برع تنباع عشان اقدر ابدله مع السفاير…
انا عندي البلاك بيري البولد وعادي تقدر تستخدمه في اي بلد اخوي .. ما عليه كلام الصراحه
رايكم يهمني… شدو حيلكم معاي!