طالب منكم المشوره… أنا خاطري أشتريلي تيلفون بس محتاااار الصراحه…
حاليا أملك السفاير والسروكو اللي قبله ودوم كنت على هالموال… مليت منهم الصراحه…
أبا شي يكون فنان عملي إرسال قوي وبلوتوث قوي وكيمره ويكون بنفس الوقت راقي شوي…
أنا قبل كم يوم قلت خلاص أشد حالي عالبلاك بيري بولد…
وعاد بعد ماقتنعت فيه… المشكله الأولى… حجمه… قلنا ماعليه بتغاضا.. المشكله الثانيه… المحلات اللي أتعامل معاها ماتيب هالتيلفون في حال بغيت أبدل السفاير بالبولد لانه الاتصالات ودو وسيليركوم اضن بس محتكرينهم… يعني قوم المحرك الذهبي والجماعه ماعندهم… وقلنا هم ماعليه… الحين اربيعي توه خبرني أنه اذا سافرت برع البلاد ماتروم اتحط بطاقه ثانيه فيه يعني لازم بداخله اتصالات يعني مايصير لا فودا فون ولا ليبرا والجماعه… عاد اهني قلت بس خلاص انسدت بويهي!!!!! صح الكلام؟
الحين توه عالصبح تميت احوس احوس بالنت… ماحصلت غير Samsung i8510 Innov8 دش بخاطري!!!
طبعا كل شي تتخيلونه بداخل هالتيلفون… وكيمرته 8 ميغا… فيه وايرلس وكل هالامور وبالنت المنتديات الاجنبيه كلهم يتمدحونه…
بس الحين المشكله مافي حد من ربعي حط ايده على هالتيلفون عشان نشاوره… مادري هل التيلفون زين… هل عود وايد يعلق ول من هالكلام؟ يعني تنصحوني فيه؟ واللي عنده اياه يخبرني رايه
أنا اشوف حاليا السامسونج هذا اللي ماخذ الصداره من ناحية المواصفات…
في نوكيا بعد عيبني لكن اكتشفت انه بينزلونه في 2009…. يمكن شهر اربع او سته… يعني بعده مطول… حلو بس مواصفات شوي اقل عن السامسونق…. اسمه نوكيا N97
بغيت النصيحه والمشوره منكم… وانشاءالله ارسي على بر هالمره اذا شي دش بخاطري عشان اخذه اليوم 
عليك ب HD
وهذي مواصفاته :
HTC Touch HD – Full phone specifications
اشوف الكثير يمدح بلاك بيرى….لكن كيف البلاك بيرى مقارنة بهذا التليفون؟…فى ناس يقولون ان نوكيا افضل بألف مره….شو رايكم؟
انصحك بالسوني اريكسون
8 قيقا تتش سكرين
No wonder Sony Ericsson’s XPERIA X1 is so good
HTC makes it
No wonder Sony Ericsson’s XPERIA X1 is so good: HTC makes it – Engadget
البلاك بيري مول مايعيبني ماشي شكل هب لين هناك
السوني يمدحونه ، السامسونج امنيه مول بعد مايمدحونه اصلا من
تشوف اسم سامسونج اغسل ايدك -_-
انا انصحك يا الـ سوني أو HTC Pro
بس انته شو تباه بكيبورد ولا بدون كيبورد ؟؟؟؟؟؟؟
بس حط في بالك بعد الصوت بيكون هب عالي + الكيمرا تعبانه
هذا بالنسبه للتلفونات الـ Pc