مرحبا
ابغي نصايحكم للي جربوا ..
عندي 100 ألف .. وبصراحة ما اعرف اتاجر .. ومب مستعد أغامر لاني عارف نفس ما اقدر ادير اي مشروع لعد تفرغ الوقت الكافي وأعطاء المشروع حقه
هل تنصحوني أدخل في برنامج إماراتي الأول ( بنك الخليج الأول ) برنامج محصور للمواطنين فقط ..
حسب ماشرح لي الريال .. اشتري شهادات قيمتها 1000 درهم كل شهادة .. تأهلني للسحب لو لي نصيب تراني بفوس بجوائز .. لو لو لو فكرت اطلع من البرنامج ارجع الشهادات وستلم فلوسي وكان الله غفور رحيم .. يعني ماخسرت شي .. هل حد جرب ودخل وفاز … ؟
ام تنصحوني في الصكوك الوطنية …
يالليت تفيدوني بخصوص الصكوك لأني ماعندي علم بها ابداً
وإذا في شي ثاني يالليت تعطوني من خبراتكم ..
الصكوك فيها ارباح سنويه وجوائز شهريه وممكن ترجعها اي وقت
البنك مافيه ارباح سنويه بس محصور للاماراتيين فقط يعني نسبة الربح اكثر كل شهر
بنك الهلال أسلامي؟
انزين شو من البنوك اسلاميه بعد ؟
عسبت نستفسر منهم اكثر
صكوك ارباحها جدا قليله ولا تتريا ارباح
واماراتي الاول انه للاماراتيين بس ونسبة الربح اكبر بس ماعرف الحكم الشرعي فيه
تبا شوري راقب سوق الذهب كمن يوم وخذلك سبائك ذهب ووقت مايزيد السعر بيع مب لازم حراق اعصاب بس راقب كل يوم بالعكس بتطلع فايده من درهم ودرهمين احس مايبالها تعب
تبي نصيحتي حطهم وديعه في بنك اسلامي عندك بوظبي الاسلامي و بنك الهلال
دبي الاسلامي مانصحك فيه بسبب مشاكلهم الكثيره
.
تبغي نصيحة أختك
احفظ مالك لأن بيي عليك وقت تحتاجه
ولا تغامر بالدخول في التجارة أو في أمر لا علم لك به
وبالتوفيق ^_^