مرحبا
ابغي نصايحكم للي جربوا ..
عندي 100 ألف .. وبصراحة ما اعرف اتاجر .. ومب مستعد أغامر لاني عارف نفس ما اقدر ادير اي مشروع لعد تفرغ الوقت الكافي وأعطاء المشروع حقه
هل تنصحوني أدخل في برنامج إماراتي الأول ( بنك الخليج الأول ) برنامج محصور للمواطنين فقط ..
حسب ماشرح لي الريال .. اشتري شهادات قيمتها 1000 درهم كل شهادة .. تأهلني للسحب لو لي نصيب تراني بفوس بجوائز .. لو لو لو فكرت اطلع من البرنامج ارجع الشهادات وستلم فلوسي وكان الله غفور رحيم .. يعني ماخسرت شي .. هل حد جرب ودخل وفاز … ؟
ام تنصحوني في الصكوك الوطنية …
يالليت تفيدوني بخصوص الصكوك لأني ماعندي علم بها ابداً
وإذا في شي ثاني يالليت تعطوني من خبراتكم ..
اشكر تعاونكم
أخوي ابتعد عن اي بنك في الدوله لانها كلها ربويه 100% اما عن الاسلاميه ماعرف
وبخصوص الصكوك الوطنيه تقدر تتصل على خدمة الفتاوي المجانيه الخاصة بدولة الامارات عن الحلال والحرام
وتسأل الشيخ السوؤال اللي تباه
وهو بيرد عليك
هذا رقمهم 8002422
من الساعه 8 صباحا الى 8 مساء
بالتوفيق للجميع ان شاءالله
انا في الصكوك من سنة
ماحصلت شي من السحب
والارباح انتظر التوزيع ونشوف كيف النسبة هالسنة
الحلو في الصكوك ان تخليك تجمع حتى لو ماربحت منهم شي
انا اشوف الصكوك أمن شي عشان استثمارهم حسب مايقولون في التعليم والصحة
مو مثل العقارات وهالاشياء