السلام عليكم صبايا و شباب
صبحكم الله بالخير
مادري يجوز تداول هذا الموضوع اللي بكتبه الحين و الا؟
الموهيم انا بكتب و اذا شنقلوه ترا شنقلوه مافي اي مشكله
الا بسألكم ماشاء الله انتو كلكم هنيه في المنتدى يعني وايدين هالكثر
ما تقدرون تدلونا على ناس محتاجين انتو تعرفونهم؟؟
صراحه تعبت و انا ادور ..من بدى رمضان و ما لقيت الا نفرين و الا 3
انا ما اتكلم عن المتسولين ..هاييل اكبر طاف لهم
انا اعرف ان في ناس وايد في البلاد محتاجين بس وين اهل الخير اللي يودولهم ؟ و الا يدلونا عليهم؟
طبعا بتقولون سيري يا دبي بيبي ياللي مصدعه روسنا عقي خردتج في اقرب صندوق تبرع ..و الثياب و باقي الاغراض وديهم حوش الجمعيه الخيريه
و خلي الشمس تصلاهم في هالحر و الموت لين يتفتفتن
سوري ما ابا جمعيه خيريه…انا روحي ابا اتعب و ادور المحتاي و اشوف حايته بالضبط و اطرشها لين باب بيته
ما ابا وسيط بيني و بين عمل الخير اللي ابا اسويه
و اكييد وايدين غيري بعد هنيه يدورون و مب لاقين شرات ما انا مب لاقيه
و هيه صح …بما اني حطيت الموضوع و فتحت على عمري مجال << ترا انا ما بتصدق ببيزات ..ناويه اتصدق باي شي بس مب بيزات << يعني متسولين النت يمتنعون
و اذا الموضوع مخالف و الا بيسوي زوبعه و الا شي ..لكم حرية التشنقيل
ويعافيك ياخوي
تسلم يالحبيب ويزاك الله خير
الله يعطيك العافيه ياخوي قناص
مجهود طيب
الله يحفظك ويوفقك
اذا تبين ناس فى دبي وسوينالهم احصائيه ومسح كامل وساعدناهم
قبل رمضان بسبوع وكانو صدق محتاجين والله سرنا شفنا مكان سكنهم >>>>ماينقال عنه بيت لان مسواي من خشب وجينكو وهم واااايدين الي ساكنين داخل
المهم الي يبا يساعد انا برتبلكم الموضوع وعن طريق هيئه رسميه بس مب شرات الجمعيات الخيريه لانها تطوعيه بالكامل وانسانيه
لان اذا اتحبون اتسيرون اتساعدون بنفسكم واتشوفون بنفسكم الحالات يكون افضل بس بنظام
الي يبا يراسلني على الخاص يكتب شو نوعية التبرع ,,مثال ملابس ,,ادوات كهربائيه ,,بيزات
عسب انرتب جدول بالموجود
والي يحب يكون موجود اثناء التوزيع والجرد حياااه الله واذا فى حد يبا يساعد بالمجهود فقط بعد حياااه الله
المراسله على الخاص
والله يوفق الجميع وبارك الله فيج يا دبي بيبي
دبي بيبي
اولا يزاج الله خير
ثانيا
عنا نحن فالعين عدالنا البريمي وفي ناس وااااااااااااااااااااااااااااااااااااااااااايد على قد حالهم او حالتهم تعبانه
وريال يزاه الله خير طرشلنا مسجات قبل رمضان بيوم
قالنا انه بيخاذ عيش وطحين وزيت وشكر ومن هالسوالف وبيوزع على المحتايين اللي يعرفهم (هو ريال متدين)
المهم ماقصروا الربع كل واحد عطاه مبلغ وسار اشترى ووزع عليهم
وحتى على سالفة الملابس
تصدقين ان الملابس اللي مايبونهن هنيه يودونهن عمان ويلبسونهن للعيد !!!!
هذا اللي استغربت منه ونحن متبطرين وايد هنيه
الحمدلله على النعمه اللي نحن عايشين فيها
بارك الله فيج الغالية والله يوفقج ان شاء الله