أنا مواطن من دوله الامارت حاليا انا موجود في تايلاند بصراحه انا ياي من تاريخ 29-11-2010 بحسابي الخاص علاج لولدي البالغ من العمر سنه وشهر اكتشفنا فيه ورم عل الكليه سويت الفحوصات بتاريخ 30-11-2010 علشان ما اضيع وقت لانه الورم كان كبير بحدود 10 صانتي بعد ما فحصوا عل الولد واتاكدوا انه في ورم عل الكليه قالو لازم يسوي العمليه ف انا ما اترددت لحضه اني ما اسويها سويتها الحمد الله بتاريخ 6-12- 2010 رحت للسفاره علشان اشرح الهم الوضع اللي انا فيه ولدي محتاج لكيماوي كل اسبوع لمده اربع شهور انا الحمد ما رحت اطلب بيزات انتوا تدرون انه البنك ما بيقصر في هالمواضيع باخذ سلفيه علشان صحه ولدي بس علشان الدوام طلبت تفريغ من الدوام لاني ماخذ شهر بس اجازه ومستحيل الدوام يفرغني اربع شهور حاولت احولها عل الصحه علشان التفريغ كلمت مكان دوامي بس قالو لي لازم اتحولها عل الصحه علشان نقدر انفرغك بس الصراااحه مذله اللين الحين محد رد علييه خبر رحت السفاره كم مره علشان الموضوع بس يقولولي لازم امر من هيئة الصحه في بوظبي والحين ماعرف شو الحل افيدوني
اولا الحمد علي سلامة ولدك والله يردكم بالسلامه اخوي ويتعافي ولدك وسامحني ما بأيدي غير الدعاء لولدك ولك يا خوي الله يسهل عليكم ويعافي ولدك وترجع انت وولدك سلاما معافي انشاء الله والسموحه منك .
الله يكون في عونك و يشفي ولدك ان شاءالله،، و هيئة الصحه نادرا ما يسوون شي من لجنه الى لجنه و تنتظر شهور لين ما يردون عليك بالرفض أو الموافقه،، الا اذا ………. *****
سير وثق التقارير في السفارة في تايلاند و خل حد من ربعك يوثقها هني في خارجية الامارات،،، و ارفقها مع طلب اجازة مرافق لجهة عملك، القانون يسمح بها الشي على حسب علمي
وين تشتغل أخوي؟؟
موفق ان شاءالله،، و ترد سالم و غانم انت و ولدك بإذن الله
الله يشفي ولدك يارب من كل شر
خل في بالك اخوي انه السفاره يوم بتبعث التقرير الي الدوله راح ياخذ وقت خل حد من اهلك يتابع في الامارات
وذا علي سفارت الامارات ماعليها كلام عن نفسي تعرضة لحادث في المانيه ودخلت المستشفي علي حسابي عشان كسر في القدم اول ما خلصة الاشعه الا احصل مندوب السفاره علي راسي واقف يسال ويطمن علي
بعدها عرفت انهم عندهم اتصال مع الجهات الحكوميه في اي دوله لمساعدة الموطنين في اي مكان مستشفي شرطه اي المهم انك ترد البلاد سالم غانم الله يطول في عمر شيوخنا
عفوا اخوي انت وين تشتغل ؟؟
اذا ما لقيت حل مع السفارة ووزارة الصحة فالامارات ماشي إلا
انك ترتب في داوامك انك تاخذ اجازة بدون راتب واعتقد انه يصير
هلا مشكور عل ردك بس انت اتعرف انه لا يمكن يعطوني تقرير انه لا يوجد العلاج عندهم في الدوله من قالوا لي بناخذ عينه من الورم انا خفت الصراحه عل ولدي لاني كنت ابا يشلون الورم وعقب يشوفون هل هو حميد ول خبيث بس هم ارفضوا قالو لازم اول شي العينه ها اللي خلاني اسير ابسرعه لتايلاند وبشوف شو يقولولي اهناك فعلا من وصلت سويتله الفحوصات وقالو لازم ينشل الورم وعقب بيبدون العلاج معاه سويت تقرير اهنيه في تايلاند الصراحه الدكتور ما قصر وديته السفاره الاماراتيه في بانكوك بس ما ردوا علييه خبر راجعتهم بس بصراحه ماعرف شو اقولك اتقول كاني يالس اشحت انا مب سالفت البيزات والله السالفه ابا تفريغ علشان الدوام انت اتعرف انا ما خذ اجازه بس شهر بضرابه بعد عطوني الاجازه واذا اتاخرت اكثر عن شهر بيحسبولي غياب انا من ها كله بس ابا تفريييغ علشان الدواام فقط لا غير هاللي اباه منهم بس منو اللي بيسمع