مرحبا …
لو سمحتوا اذا حد يعرف وين يركبون نافيجيشن (عربي انجليزي) وكاميرا خلفيه للاف جي كروزر في بوظبي…يكون مكان مسجل الوكاله بالضبط…وشغلهم نظيف وسعرهم معقول …وجزاكم الله خير

8 thoughts on “نافيجيشن مع كاميرا خلفيه”

  1. طريق الخليج أسعاره مبالغ فيها جداً
    صحيح إن شغله ممتاز
    لكن مثل ما ذكر الأخ “الصامت” إن تعامله مع الوكالات شجعه على المبالغة في الأسعار
    والحين شي محلات كثيرة في هالشارع ممكن تركب الشاشات
    أنا عن نفسي ركبت لسيارتين عند (الرعد) وبأسعار أرخص بكثير من “طريق الخليج”
    لكن إحرص على إنك تشتري شي معروف ، لأن الرخيص متوفر لكنه رديء جداً حتى لو كان عليه ضمان

  2. اخوي شرات ما قالت لك مس القبيسي

    خلف مستشفى دار الشفاء

    هناك محل اسمه “الخليج”

    نحن مركبين عنده لأكثر من سيارة

    و شغله نظيف و مضمون

    بس اسعاره الحين شوي ها صارت غاليه … لانه مشغوووول و من اشتهر زوّد اسعار شغل ايده

    لانه قام يركب شاشات لسيارات من الوكالة غير الناس

Comments are closed.