1- ميونخ
2- زيورخ
3- أنترلاكن
4-زلامسي
5-سالسبورغ
مطلوب من الاخوان والاخوات المساعده إذا حد منكم زار هذيلى البلدان يعطيني نصيحة..السكن والمناظر الجميلة وين..لاني أفكر اسافر الصيف أنا والاهل..وشكرآآآآ
31 thoughts on “ميونخ..زيورخ..أنترلاكن..زلامسي..سالسبورغ..!!”
Comments are closed.
الحين زيورخ او ميونخ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخوي هذي احسن رحلة صييفية اوروبية بتسافرها اذا رتبتها صح انا نصحت ربيعي عن هذي الرحلة والحين حالين هناااك
انصحك بترتيب الرحلة من الامارات للعطلات
وثاني شي تاخذ سيارة مع نفيجيشن وتتحرك من هذي الدول
وتقدر تاخذ تذكرتك من دبي ميونخ -فينا دبي
البلدان لي ذكرتها وااايد حلوة عندك ميونخ للتسوق وعندك الباقي للاستجمام والراحة اذا انت ويا الاهل ساير
وعن الفيزة سوها من وقت احسنلك قبل الزحمة .
وهذا لي عندي واذا تبى الزود فالك طيب بسأل ربيعي حاليا هناك مسوي نفس الرحلة .
بعطيك معلومات عن ميونخ بالنسبه للسكن افضل فندق الشيراتون له فرعين قراب من بعض
الاول جرانه شيراتون والثاني بوقن هاوزن شيراتون وحذالهن ساحه كبيره فيها مطاعم وكوفي
شوبس وسوبرماركت ومحلات بسيطه ومحطه للقطار قريبه للتنقل بدال التكاسي لانه اسعارهم اغلى
من القطار اللي هو الاندر قراوند مكان مريح فيه ناس من البلاد بس محد يخصه في الثاني وبعدين
الجنه من غير ناس ما تنداس وميزة ميونخ موقعها تقدر تاخذ سياره فان وتزور زلامسي وسالزبورج
وبلدان ثانيه ومناطق قريبه وبالنسبه للمحلات اسواق ميونخ كبيره وكثيره والمناظر الطبيعيه جميله
ما عليها كلام ؟؟؟؟؟؟؟؟؟؟؟؟؟
عن نفسي رحت ميونيخ أكثر من مرة وبصراحة وايد حلوة بس ماتنفع للسياحة لأنها وايد غاليه من ناحية السكن والمصاريف
وإذا عن السكن في أماكن عبارة عن شقق والصراحة السوق حلو وهذا أهم شيء تكون عندهم خصومات لحد 70% وخصومات صدقيه مش بس كلام شرات اللي عندنا أما عن الجو فالجو حار في الصيف فوق هذا كله نادر ماتلاقين فنادق مكيفه… ومرات يكون زين الجو وإذا في أي إستفسار حاضرين
والله ياخويه هذا الي أدوره بصراحه أماكن مافيه عرب..أريد أستانس مع الاهل